係中學時間，我有讀過一課書叫做「敬業與樂業」，其中呢課書係關於工作，提及人唔可以無職業，社會上有工作而唔做係蛀米大虫，有工作而成日埋怨，係唔尊敬工作。

香港同全世界人資本主義國家一樣，多勞多得!有勤力有多d錢有d咩唔好?

不過父母就唔明白呢一點，往往想個仔女去讀多d多書，但今日個社會出現一個現象，如下:

1. 讀得書，人既工作能力可以應付，可以有高薪厚職。

2. 讀得書，不過工作上蝦碌百出，入職後都係蛋散一件。(呢d都係

3. 讀得書，不過工作上下下都同自己讀書一樣太執著，下下都斤斤計較，成為一個令人黑人憎既員工。(好快會被公司同事攻擊)

4. 讀得書，不過為入內向，成日比同事蝦，有能力都係發唔到圍。

5. 讀書唔多，為人上進，勤力，職位唔高，但係得到老闆賞識，一樣都係可以高薪厚職，而且由卒仔做起，肯定會有十足經驗。

6. 讀書唔多，但經常都係埋沒自己(鬼知你做左野咩?)，冇起飛機會。

7. 不論高低學歷、職位，為人串嘴，從來冇人喜歡，天天工作槍林彈雨。

8. 不論高低學歷、職位，為人極到勤力，咩都攬上身，英雄主義太強(懶醒)，遲早係咩野出問題都係自己揹鑊。

9. 工作上不論高低，成日推波推鑊，就算升到，將會係槍林彈雨既工作。

10. 三不做，辛苦不做、薪金低不做、冇冷氣又不做，成日抱持自己大把學歷(通常係中五)，蛀米大虫。

11. 隱青類別，工唔搵唔見唔做，或者係做唔長。

其實父母好多時都冇諗個仔女個行為係點，成日叫人讀書，咁人地唔想讀書，你迫佢係唔會有咩大作為，讀得唔開心就自然讀得唔好!讀得唔好咪好快比學校踢走。與其哂時間同錢供個仔讀書，不如比佢出去搵錢養下家。

有d更差，冇心向學死谷佢讀書，供到佢去外國讀，最哂錢既父母，最敗家既仔女，浪費學位!或者係甚至要求佢打死都返學，唔比佢出黎做野，街唔比佢出，留在家中努力溫習。

隱青同三不做，真係蛀米大虫級!冇貢獻有洗有食，成世人都係咁樣...父母唔理係父母之過!(有種你成世貼佢，保證富不過三代)

所以作為人既你，係咁依都要做份工，不論人工高低，做下野!唔好咁多唔撈既理由!做得份工，對得住自己!

父母唔比你返工，梗係諸多事實，又話想你讀好書，又話你咁低學歷，做咩工呀之類，咪鬼理佢啦!做，仲要仲得好好睇，令佢出你唔脹，到時你可以返工時大可以對佢地講:「我鍾意返工多過返學，你咬我食呀?」

講真返工有錢=有得洗，係解決好多煩惱既方法!我鼓勵青少年返工，講真青少年工作，比起d老屎忽更有拚勁、有活力，d老屎忽成日起哂鋼，持住自己有經驗同話得事，我最睇唔起就係呢種人!