12月5至6呢個晚，冷風陣陣，其實都係一個難頂既晚上!呢一日返工，我好早就到我既公司，咁我都令好多同事覺得意外，因為公司向來後生既同事，都唔會咁勤力早返工，早準備!咁我今日突別早，令我阿頭韓生都好驚訝!

早既原因其實好簡單，同sky及帕gap係深水步去完武器小店，之後再去食野，再去電腦展!武器店冇收鑊!食野既地方效率強差人意，電腦展一味人多多迫到死!咁我都覺得有d出到黎唔知點!

首先講下武器店，係聯發祥見到有蛇矛新翻，的確sky係長兵器人士係幾喜歡既!但對我黎講扑刀先係正!我心目中既訓練兵器，圓滑、邊厚、外型可觀、不太破壞原型、有實際重量!不過弊在刀係軟刀，而且我都唔識用!所以得個望字!柺就見少買少，方一枝，檀香木一對!「沙」(日本名，即小叉，忍者龜其一用)，來貨多左，不過就講真香港有幾多個玩呢d!

鴛鴦鉞唔見左!可能買哂!金屬棍質素唔太理想，白腊杆年尾一般，但算好!新增幾隻環!

電腦展，嘛嘛地!我都以為可以睇下有咩可以入貨，原來係冇!講真又話做平d，但唔見得平左幾多!

之後步行到旺角文明，拳套冇新翻，但發現了fir1st呢間野，fir1st係旺角新之城一帶，PCCW既右少少樓上!FIR1ST係香港其實就做開boxing、kick boxing、MUAY THAI、健康舞蹈拳擊既用品生意，另外就係califonia fitness或者一d健身中心集團做推廣同訓練班，甚至係自己起家係訓練中心!

我地冇入去fir1st，但我一望去就覺得一個向街既玻璃窗住都是boxing既套!估計有12oz、16oz、18oz個堆!大概係twins同everlast呢兩大名牌!

之後去左槍街，唉!以前仲有心機打game，而家隊都出埋!講心個句，wargame人愈出愈水皮，打法、質素、體能上都唔得!我最後以180蚊係名鎗店買左個子母槍袋!好無就去左開工!

開工既時候有好有唔好，唔好既係有位住戶不滿意我開門既速度，佢仲用好多粗言對付我，我只係按照返公司守則禮貌對佢，同埋開門唔係老馮比你入!

另一個客對我好好!佢請我飲左包果汁，好好飲!