近排我係保安呢份工作都有唔錯既成果，至少工作順利，阿頭冇炸型、不滿之類...有讚冇彈!咁都應該十拿九穩做得開心!
咁好啦!尋日朝賣得出MP5比阿JACK，終於要送走它，其實我都有d唔捨得，因為呢枝槍殺敵無數，不過佢找錯了主人...有好多人問我，點解唔打wargame，唉!我其實都好想打，不過我根本都冇時間玩，枝槍都放低左成半年，同時既係wargame人士愈來愈低水準，咁我只係覺得咁打落去係冇意思，冇質素既表現，又唔配合既，咁點打落去?
750蚊既交易下送走一枝愛槍，算啦!係一個比我更優秀既wargame人士，我覺得無憾，因為有句說話「魚唔過塘唔大」
之後公司再送錢100蚊，100蚊係我係11月尾時入職，冇咩遲到早退，就有勤工獎!其實一個月係有300蚊，不過我係11月尾旬入職，所以係100蚊!
豬籠入水，我覺得銀包忽然間由低谷反彈，簡直好難得，因為我每次過聖誕，都係過得窮!因為年尾既時候，通常都係屋企人比既家用唔多夠洗，800蚊，平時返學放學食飯加星期六日娛樂都已經用左6成至7成，咁聖誕咪數手指lor!
荷包見底唔夠洗，個時仲有拍拖tim...真係愈窮愈見鬼!而家我已經可以自己解決好多生活難題，回望自己係以前望住荷包做人，手緊又想玩，而家我唔洗再咁頭痛!不過呢一刻未有屋既問題，咁的確好既，但有屋既時候，我唔知未來又會如何?
|
