國內其實係有好多老翻，基本有實物，就自現有複製既流野出現，咁我覺得國內真係科技日進千里，不過依然都係有待改善!

咁近排我公司有位同事，佢就係大陸搵到一堆呢D「筍野」，就係Nokia N95 8GB既老翻，呢D老翻既質素都唔錯，咁但係呢係平穩上就唔係咁好啦!

例如係藍芽傳送既時候，有時侯藍芽感應都時好時壞，唔可以百分百準確咁搵到對方既位置，對PASSWORD既時候，搞笑地只可以用12345，咁就死啦!下下都係清一色，我覺得係好麻煩!

仲要係，過下檔案好似歌仔咁，照正常黎講，應該係入左去部電話既接受檔案個個位置，但佢唔係既，入左去訊息果個位置，咁就真係有D矛盾啦，人地過檔案，何以過訊息呢?

電源方面先至係最抵死，老翻上唔到大台，居然老翻係會用用下，部機自己熄，5分鐘不到...咁就死啦!正想用既既時候，熄機真係pk!

整體上，有一大班同事都捲入呢個N95既風波入面，買左既同事，唉!真係覺得佢地太聰明了，好快執到平手機，不過別忘記流野總會有佢既問題存在，而家只好彩仲未有發生甚麼電話爆炸、觸電、焚燒或者其他人命既問題...

所以大家要明白，真金不怕紅爐火既道理，講真NOKIA既德國已經有多年歷史，而且技術發展已經有一定既成果，不過我個人認為 sony ericsson 係較受歡迎於nokia，講真sony ericsson既外型較為前衛同埋較時代感，而且功能簡單易明，經過既關卡(即層次較為簡易)所以都係較多人使用，不過sony機打字係某方面真係慢d，例如係打一個難、蝶、話、野、龜或者多筆劃數目既字!

nokia已經大勢已去，我覺得好難追返上當時好hit nokia既時間!