呢排精神都係嘛嘛，其一係訓得唔好，返得時間唔夠，所以呢有時返工都會釣魚，唉!都係努力返工!

咁我既聖誕雙日放假係已經放左，但係我覺得都算係幾滿足，咁我都幾開心，不過依舊都係對terry好失望，依然都係唔生性，做野做得漏屎漏尿...

尋日係武術考試既大日子，阿聰因傷未能如期補考，都係祝佢早日康復!terry係同我一齊夾考，由sky做監考!

其實尋日我的確係未夠好，其一係我係未休息足夠，唉!講真個人都係好大消耗!不過最後都係好開心咁完成，而且都得到一個幾理想既成績，當然考d咩我係唔會講，其一係呢個係內部要求既低調!或者你想學既，到咁上下日子我地就會教!

terry依然令人失望，唉!我真係有點不爽，因為我係同佢夾teamwork既動作，佢完全唔知自己做緊咩!咁我覺得係你到今日唔溫習，仲要反問監考員，咁不如唔好考!依家我都覺得佢好唔盡力做好每件事，有時候我都明白點解佢媽會遺忘佢既存在，有時候佢份人係咁，又點會有人尊重同埋體會佢既感受，呢d就係可憐虫...

sky尋日都幾滿意我既表現，不過我就覺得其實可以更好既，或者考多次又何妨?可能會有絕佳既成績呢?

講下另一邊，我表哥今日擺酒，當然係一件開心事啦!咁佢同佢老婆建立左一個好好既感情，都替佢開心啦!我今日都係好累，所以起身個時都有d不願意起身，講真8點訓，10點半再起身係好辛苦既事!

之後我到左擺酒既位置，我覺得係好熱鬧，亦到見到我既mix既表外甥女玲玲(Eline)，佢係一個識行識講野唔係好耐既BB女，咁中國血統再搭荷蘭，掂!eline非常可愛，又好多時同我give me five!

今次擺酒係盤菜，不過個盤唔得，麻麻地好食!算啦!食既唔係個盤，而係為高興既姐!

我都想有呢一日既來臨，我都想同自己喜歡既人一齊過，講真我都希望可以快d擺脫單身既日子，因為孤獨既日子過得多!我悶了!