如果大家仲記得我有一個朋友叫做阿葉，咁呢你就真係好好記性啦!呢個女性朋友其實對我呢講係影響好大，有時候係人生既低谷之中，就係佢令我重拾人生既希望，我試過係佢面前哭了，因為那天我仲好記得我係沙田收到青蛙既一個好令人傷心既說話，我係城門河坐左係到，我未試過咁傷心，我喊左出黎!

就係呢個時候，佢就應成左我過黎陪我，呢個老友非常難得!話時話，我都幾喜歡佢既...雖則佢外表平凡，但係有佢既時間，總係會覺得時間過得突別快樂!

咁耐冇見既阿葉，人依然都係瘦削，向來佢瘦既情況都係一樣，簡單d黎講係一個火柴人!不過佢個一副可愛而好似永遠不長大既面孔，成為左我對佢最深刻既印象，有時候簡簡單單，唔需要d咩包裝，又或者要點樣靚，簡單一個可愛既面孔，就已經令人印象深刻!

咁尋日同佢係尖嘴天星等，其實佢住港島，對於我黎講其實都算係距離遠，不過人又點會在乎遠近，講真感情除左因為生死有別，好多野都唔會令人同人之間有阻擋!

之後佢就想話去一d靜靜地又冇咩人既地方飲下野，我就話尖嘴唔多，老實講係酒bar、pub、disco、西餐廳...邊有cafe?

咁我本來想帶佢去煙廠街果間，不過佢既working hours係1800，頂!我想幫襯下你都唔得...之後去左一間係女人街個邊樓上!原來係我當年同我老表加14哥去網吧打cs既地方，不過呢老實講個間網吧已經執左粒!其實近年黎好多電腦行業既小商戶都已經步入左衰退，就以上水為例，好多網吧已經冇再開業，又或者網吧係人流少左好多，見到以前係網吧通街都係，而家仲點會有呢個情況?有好多解釋既原因就係，網上遊戲好多都已經可以係屋企既電腦解決呢個煩惱，而且網上遊戲雖然有很多不同既公司推出左好多新games，但係來來去去都係不相伯仲，冇咩創新既概念!

咁呢間cafe都幾好啦，環境尚算清閒!我覺得呢d地方先至係舒服，以前既時侯我一直都冇帶過任何一個女友去呢d cafe!咁好慶幸總算阿葉係幾中一個，阿葉其實到今日都係hold住左係friend既關係，以前曾經同佢表示過，不過佢冇應成!算啦，時候未到，而且個時都唔知原來佢有一個係美國讀緊書既男友benny!

尋日係cafe講起benny，唉!我覺得佢地散得真係可惜，有時候人隔兩地，邊有咁多機會去增進下d感情!結果佢地都係散左...我唔知呢個會唔會上位既好時機，但係我唔可以唔認我的確幾喜歡阿葉...

飲完野，之後去左朗豪尋找阿葉喜歡既朱古力...佢開頭有入去個D貴價朱古力店，我其實唔介意個價值，只係在乎阿葉佢開心與否，如果300幾蚊既朱古力送比佢，而佢又好喜歡既，我唔介意!我唔知佢點解之後又行返出黎，或者佢覺得可能係太貴啦!佢入左去MARKET PLACE指左一個比我睇，50幾蚊...比我預算既平好多，我開頭都預左係成百銀找數!算啦，佢開心就得架啦!

咁向來我都相信女性既眼光較為獨到，我打算買銀包，之前同老表係朗豪係搵唔到岩心水!咁今次同得阿葉，不如由佢指引下，入左去CHI 之堡，我搵到兩個岩心水，但唔知點揀，不過由佢指引之下，簡簡單單就完成左!

阿葉其實都係一個喜歡整餅既人，即係個d cooklies、蛋糕之類，尋日同佢係油麻地個邊行左陣蛋糕器材店，都見識多好多唔同既功具，我都覺得好有趣，不過你叫我整餅，我暫時興趣不大...

尋日同葉去完街，感覺到好有女朋友個種感覺，或者我心目中既女朋友應該就係咁...