尋日開工終於都冇咁凍，都係一個好事，因為咁樣個人會精神好多，有時候凍都希望唔好太凍，太凍時候好多時會搞到個人好辛苦!

近排同阿葉傾多左計，我覺得咁樣開心好多，因為我都想身邊有多個人可以緊張自己，話哂我發霉左成年啦，我都好想可以打破呢個寂靜，事關一個人真係實在太悶啦!

咁自大前日同佢去完街，我覺得好開心，呢種感覺好開心，不斷咁係腦海轉下轉下，諗起都覺得興奮!

唔知點解我總係覺得身邊有個女人，總係好過自己一個，有時候得閒返工黎個SMS，問候一下傾下計咁，幾好ar!我覺得工作、生活就本應如此，有時候簡簡單有一句既問候，又或者黎一個笑話，又或者講下自己既心底話，我覺得係開心，就已經非常滿足!

有阿葉陪係好，不過我覺得佢咁樣陪我，未免真係太辛苦了，本來我預計佢係2點都已經訓了，陪我陪到3點，嘩!對於一個平時唔係返開夜班既，極之辛苦既事，不過佢都陪左我咁耐，我好感動ar!

呢一刻總算舒緩一下孤獨感覺，不過下一秒既自己又會點樣面對自己既孤獨?