呢幾日真係好多野做，一黎都係要幫sky完成佢既一份佢同人火搏同半輸賭形式既一份功課，咁同人輸賭真係要落左半做啦!

另外就前日同sky加terry同埋jack去左新高登搵二手油車，即係個d汽油推動既搖控車仔，咁其實玩呢d車都係身我一直既夢想，不過個時細個，老豆媽子唔比我玩，其一係油車係始終同真車非常接近，而且個時冇咩機械知識，但而家大個仔啦!咁我都有自己既錢，亦有基本既引擎知識，咁我都好開心以1100蚊找到一架小車!

不過我對呢d車仔既燃料知識不多，我以為佢係行電油，我入左zippo比車仔，但係唔work，原來呢d車仔係行混燃，混燃指混合燃料，其實係同環保油synergis差不多，咁我對燃料真係誤會左，咁當然係唔行車啦!

咁唔岩既燃料，自然就要係嘔返哂出黎，不過呢我唔知引擎個汽缸位仲有冇少數zippo係入面，所以今日要去廣華街尋求師傅幫忙啦!

聽我同事講，呢位係阿鄭，佢以前係車房師傅，佢就話異物、非正確既燃料或物體入左引擎，必須同引擎洗計，否則一定會出事!既然佢都講到咁認真，而且有危險性存在，萬一爆炸有可能係死人，跌左成千銀算，人命緊要，而且同我玩車既都係一班死黨，所以呢都係check下好!

講下其他野，近排阿葉好多時都同我sms，我都覺得好開心!不過同是一個感情不快既人，唉!佢失戀一個月，算係d咩?我好話唔好聽我冇拍拖成年，講真我係真係好悶好寂寞，有時候回想起以前既感情生活，忽然間好失落，見到自己守果個屋苑，男男女女出雙入對，自己仲係一個人咁，唉!

不過算啦!我都唔多祈望有一段更好既感情生活係入面，老實講香港既女仔好多都係要求高，而且又要係唔多理會人地感受，唉!老實講我6次拍拖，6次都係覺得佢地唔了解我既需要，有d拍左大半年都仲係成嚿飯咁，即「跟官咁耐都唔知官姓咩?」

其實我係好喜歡阿葉，只係佢冇落實應成，唉!講真有佢呢種性格既女朋友，其實都唔洗愁呀!好簡單都可以符合佢既要求。