咁呢幾日我都有好多節目，搞到日記都冇打，自sky比既武術考試考完之後，都冇咩時間練習，因為近排同SKY加TERRY去左買汽油遙控車仔，咁呢個其實係我一直既夢想，講真細細個果時，我都有架好cheap文具店既貨仔，不過玩下玩下，撞下撞下，架野都已經死咁滯!

我而家就有架車仔，咁都幾開心啦!不過汽油車就好麻煩，下下都要入油，而且行既時間唔多，又怕架車會因為手勢唔熟既問題撞爛，所以玩要玩得好小心...

我知道有朋友問我係咪有女朋友，都係老實講個句:「冇」，唉!人地唔受，咁何來有女友呢...我只係覺得有時呢d感情野好難捉摸，我想要，冇人黎!我平平凡凡咁，d人就會慢慢黎，或者等下啦!

我返工個到都日日如事，日日都好凍，日日都係令人覺得好眼訓，唉!我都好想有多D時間訓，但係呢份工好難有機會訓，但係都係頂硬上啦!我都好有時間訓多d!

咁我今日就好高興收取到一位學生，阿蠍!阿蠍原來係一個好sporty既人，原來係一個扒艇會既人，咁我都覺得幾好ar!因為呢個香港好少再有年青既人再係咁熱切追求運動，因為香港好多人都係識食，唔識去做下運動，老實講d女仔就個個幫襯衛蘭，我就覺得冇意思，做埋個d咩機激光之類，邊到有料到架?你個低子唔好，咪又係成面暗倉!

其實而家我個邊武術團已經成立左個名稱，叫做「傲龍」，我都覺得sky改名改得幾好!希望呢個會可以發大黎搞，而且改觀左一個昋香港人對武術唔再係一個運動既睇法，而係我地想將武術既正確意義帶返出黎，有時我對香港既武術失望，因為根本香港人唔太識欣賞武術!唉!呢樣睇黎都有排搞，咁就都想由一班年青人去做返一個似樣少少既新景象!