一路以黎呢，我既新年都係好簡單咁過，咁我覺得新年都係年年都係有d咩水仙ar!劍蘭ar!利是ar!個d之類!咁...

咁初一我去左我阿婆既老人院，咁就成個母系既親戚一齊黎，我覺得係好得意，咁成班表弟同外甥係到玩!不時就打下架咁!打lor!唔打唔知邊個夠惡死...不過通常都係為為玩哂，話哂為為都係運動型...

至於阿婆就真係身體差d，而家已經唔可以再好似以前咁，講野清楚昤利、行唔到要坐輪椅、記唔清楚家人邊個打邊個、失禁、精神不足經常打喊路...唉!回想返16年前既阿婆仲可以由羅湖家中買埋益力多比我同細佬飲...而家阿婆已經做唔到了!

之後再去為為屋企玩，咁係為為個邊係村既地方，所以玩下煙花又有咩所謂，老實講新年唔玩煙花有時會覺得係唔似新年...我同表弟玩左好多超人箭...亦都係佢屋企，阿姨整多好多野食，仲有湯圓...估唔到又真係幾好食...

搞左一大餐，又到初二，初二其實就冇咩搞...咁我去左青衣，sky就冇咩地方去，terry又係屋企發霉，唉!咪成班友仔係terry屋企鋤下dee，食下蘿白榚...之後我去阿麻到過...

返到阿麻屋企，其實我都好耐冇返，因為一黎我好多時要開工，又或者出左去練習，都冇咩時間返阿麻屋企，況且我屋企已經父母都就快劃清界線，都唔會點樣返去!

我既堂細佬係學埋好多壞野，6歲，經常性爆粗!我真係諗唔到一個小朋友點可以咁?之後又因為某d原因得罪左我既表妹同姑姐，唉!隻衰仔比人插到飛起，實情同佢開年，岩既!呢個歲數做埋d咁既野，唔打佢已經係仁慈，咁又係既!我阿叔係對佢太好，根本係處於溺愛，換著我屋企人仲可以咁樣講數，邊到可以ga?杖刑準備服侍你個屁股啦!

之後又同班老表鋤dee，老實講同班表哥表弟鋤呢唔好玩，因為佢地係唔多識，我老表佢直頭係唔識計牌，有dee放dee，有花又亂咁放，咁有見及此都係放佢一條生路!相反佢細係唔差，都算唔差!講真我呢個表哥，我都有提及過，係蕃薯一名，衣著極奇可怕，頭髮...就如一個剛剛起身既髮型一樣，唔包裝、唔識打扮下，係一品宅男...

初三暫時仲未知有咩做，不過我諗都係出去搵下fd咁!我知道仲可以有收鑊既!

今年好明顯唔係一個好年，車公廟黃宏發有下下籤、煙花船著火、新年前的士大貨車撞死人，種種跡象唔係話迷信，而係覺得有更大既災難來臨，我唔知係全球定地區性，但預感到有更可怕既事發生...唉!呢一年我唔知係會點過...我只係想解決下感情問題....