天氣暖返，都已經2月啦，屋苑既人流活動活躍返，包括成班嘉福小霸王!早前一月既時間，不論任何時段，都係變得時間好漫長...

我尋晚遇到阿彤，阿彤佢同細細粒個班人一堆，都係索k啦!其實講真佢咁靚女，好搞唔搞搵呢d野黎搞，哂料!

咁佢近排要我幫幫手，佢要上大陸，但係又唔想屋企人知佢既去向，唉!佢上去咪又係蒲d，又係索k，我覺得想玩，又要驚，咁玩黎為乜呢?

佢就話會做少少類似假回條，之後留電話比佢老爹，到老爹問起上黎，我做假社工話去帶camp，本來我都唔係咁想做呢d野，但係人有時想去玩，出盡方法咪又係咁!

今朝練功，可以話係冇黎神氣，眼訓咪冇黎神氣lor!我練返舊既課題，咁都算係好眼訓咁渡過左。我其實都好想每天回家精神奕奕既練習，無奈既係工作時間長，又要挨夜，變左練功既情況好多時都係未如理想...

之後2點幾起身落街學車，咁我今日係學斜路開車同埋停車，其實係easy job，因為我係battle gear明白左車唔拉手制係斜路，車就會溜後，咁就有危險...

咁師傅就叫我係粉嶺一帶遊下車，都幾好ar!初時有d手勢唔好，2波入3波入錯格位，成日入錯1波，搞到師傅有d勞嘈...同時打燈望鏡望後要做得多d，我有時就係緊張都已經顧唔到咁多，希望都有d改善!咁我有d壞習慣係行車略為快，有時揸揸下有d鬆懈左，去左45km/h都唔知，搞到師傅又係要同我訓話，同埋控制我既車速...

至於泊位，都係唔多識就位，今日泊左一次，左邊車身出界，我始終唔係太明個扭入如何搞得快d!有時泊得大細邊，有時就泊到出左界，甚至係好難兜得準個回胎11:30位置!

基本跑街都冇咩既，我都好快就上到手，斜路上斜停車都唔成問題，不過今日個斜路有d令我驚驚地，因為落車真車真係好快!考試又唔可以由得車仔直流，要慢慢落!

車開始揸得順，好快就會係可以有足夠準備考試!