尋日學車，由上水揸出天光道，唉!灰爆...揸到亂哂大龍，算啦!我都唔會預期一take pass，而且早排太多意外，例如好似靚女飛車一鑊熟又重傷又危殆、飲酒既貨車司機撞死6條友、大圍出九龍方向有蓋天橋送貨司機死左...咁多意外發生，我知道考牌官肯定唔會手鬆...算啦!P牌就P牌啦!

上斜彈極力子搶胎...上斜停車有溜後，唉!大檸樂，呢兩點已經足以肥佬，好彩仲係「采排」(模擬試)，不過我諗黎真個下，唉!都唔荒好得去邊，3手胎學極都唔識，d落點我覺得好難睇得明，泊車成功入左格，不過後得多左...簡單d黎講唔識揸...

多謝運輸署幫我抽中呢枝下下籤!筆試d題目出咁簡單，仲要係283條之中最簡單個20條，都知冇咁好死...

係時候轉一轉個話題，自我上次拍拖既時候分手，我就記得同青蛙係2007年10月1日下午，之後我再冇拍拖!我一路工作，一路都係獨自一個面對生活既問題，曾經我冇錢、失去工作、搵唔到工...更加係帶住寂寞渡過難關...呢段係我人生最黑暗既日子!

不過2009年2月6日，呢個歷史將會改寫...呢一個凌晨，我放假唔洗返工，或者係叫做「天公做美」，亦都令我遇上左一個女仔阿寶，阿寶係細左d，但係有一個比我另類既感覺，或者就一個感覺(難以用文句筆默形容)，成為我今日既女朋友...

同佢相處左感情生活上既第三日(而家將會第4日)，其實一直心中既鬱結最終都解開左，就係因為阿寶，我可以開懷咁笑!感覺就如釋重負!

同佢一齊既時間好開心，因為佢好多時都會令我可以直接最放鬆咁笑!

好啦!我岩岩收工真係要訓，遲d再講我同佢既故事!