去完龍泉，我覺得sky同terry都好似變左質，以前係sky對terry嫌三嫌四，以家兩個fd返哂，呢個係好事，不過無形之中sky返而對我有好多意見，尋日直頭叫terry打電話過黎插我...我其實而家真係火上心頭

件事其實就係咁，chaser sms搵我，佢話搵唔到sky，我就話:「sky應該去完旅行累到死豬咁，當然找不到，如果有咩幫到手既話我樂意協助!」，跟住仆直啦!sky居然嬲爆，所以我之後收到terry打黎!

我心諗，我好心想幫助呢位chaser兄，我重申多一次係想，結果我居然變成一個比人插既現象，我何罪之有?朋友唔係互相幫助既?sky居然覺得我係到奪權踩過界，唉!我就快比佢激死，邊有人會搞d咁既野ga?

如果係咁既話...我會覺得比人誤投罪名係我身上，sky就咁睇我就係正常，terry加把嘴我覺得係唱雙簧，次次有咩唔滿意都係叫terry咁，terry又蠢到死既，人地叫乜佢做乜...講真佢犯錯我有冇真係係電話係咁樣話佢，呢d真係日久見人心，唉!反轉豬肚全是屎...

我覺得咁既話，我寧願當識少個人，練習、外出娛樂、飲飲食食等...我都會罷出，黎緊21號，我都考慮緊是否出席，我覺得咁出去變成罵戰，我寧願唔好哂大家時間，講真我完全意會唔到sky個d心態既要求，如果心境咁易平靜，我都好想快d得，但係我根本都靜唔到，識我既人都覺得我急，咁易靜到就唔會係我。

或者21號都出，不過出去請辭lor!既然sky佢要搞d咁既野出黎，而我又不甘被屈，我唔會好似佢咁既心胸，我大量d!我走