尋日同老婆起左身之後去左上水廣場，咁去8樓個d眼鏡鋪，我就同阿B加埋老婆一齊幫下眼，眼鏡係我戴既!咁就揀左一副都唔錯既!不過我就覺得好多時d眼鏡係有好多chocolate既風格，即係個d反傳統既風格，唉!其實咪姐係將d老土眼鏡架從倉底拖出黎賣?

另外呢，餘興節目當然係飛車啦!咁飛車其實都幾開心，不過無可否認，老婆真係抽煙過多，有d唔夠氣上斜，加上佢揸唔慣新車，所以顯得有d怪怪地，never mind!最緊要玩得開心...

不過呢恐怖既事突然間出現左，我係送到老婆返屋企入某屋邨既位置，屌!車頭揸手位爆鑼絲鬆左頭...如果係斜路，我都唔知點救車同自己，最恐怖係出現狀況既時候老婆係後面可能會對尾，仲死!兩公婆炒埋一碟...

之後老婆嘗試從家中攞功具黎整睇下有冇得救，搏盡老命既自己，老婆都係一樣，都整唔到，之後自己又要返工，老婆好快就叫我攞佢個架，叫我返工先!壞車佢幫我拖返屋企，呢d老婆咁鬼好，係邊到搵?

而家既情況，我諗起頭文字D，入面既高橋啟介既redsun(mazda rx-7)，我好記得漫畫入面提及過，redsun因為斷左前輪軸，但無奈又要面對挑戰，結果啟介既女朋友借左架黑色既rx-7比佢飛，good!呢d先至係至得女友!