尋日4點幾一起身，咁我就梳洗過後去左上水熱門改單車既熱點，睇下搵唔搵到我架失車，但係暫時都未見到，利豐肥老闆同潤記既潤哥就話:「嘉福偷車個班佢見識過，佢話班友好可能得手後，以最快方法抬車回來「分屍」，之後就去唔同既地方「散貨」，咁過程係會好快，而且有可能搵返渣都冇!」

我其實都知道偷車，唔通真係「原隻上」咩?咁被捕率係極高...所以我覺得肯定凍過水，或者今日再嘗試搵一搵!甚至買返架車...即改!

尋晚開工，同一個老前輩學野，佢就係早前係公司紮左職麥哥!咁我尋日同佢跟坐明珠，學左好多野，亦都聽到好多佢既人生理論，我覺得佢其實係睇透、玩透呢個人生，經歷得很多!今日佢依舊遊戲人間，依舊自得其樂，我覺得係一個好厲害既前輩!

咁尋日明珠都有「靈異事件」，不過我所見既主角，唔係咁簡單!其實件事係點既呢，咁其中一部升降機，個鏡頭係有一個黑色影子，而且不停間歇出現，我開頭一諗...唔係咁堅料嘛?之後我問麥哥，麥哥見笑了!佢就話:「傻仔，唔洗緊張wo!其實係一隻小強，佢誤打唔撞去左入左去cam入面!」當時鬆左一口氣...嚇死!

去明珠，感覺唔錯!但係對比起黎，係有好大唔同!

1. 明珠係單棟式物業，私人大廈。嘉盛係多棟式，以前係居者有期屋計劃(居屋)既地方!

2. 明珠係控制器材、文件、處理事項等獨當一面，單人座頭!嘉盛係合作，有好多人一齊返工同你渡過12小時!

3. 報更係明珠係電子報更，嘉盛係報上級，上級再報上電子報更。

其他個d我唔講啦!因為都係深入關於工作，而且都係機密唔可以外傳!所以都係到此為止，但我做得好開心!