近排我除左遇到一個我覺得最失落的前女友阿寶，其實我遇到既仲有阿寶既老友兼契妹阿k，之後我再遇前前度女友阿塋。

寶個d知道佢既為人，不如講下阿k，阿k大阿寶少少，佢係一個幾高既女仔，咁雖然係平平無奇，高既女仔香港大把，但係我幾喜歡佢活潑既一面，至少冇咁多dead air!有時候拍住阿寶，除左踩單車搵到默契，其餘既都係冇共同既共識，咁二來我覺得同佢好難溝通...

阿k見到既時間唔多，不過我只知係一個幾易相處既人，外在活潑、樣子亦都不錯!老實講我係有興趣同佢keep住聯絡!

阿塋，或者要查返以前既日記，雖然佢係一個有點反叛既女仔，勝在佢真係一個幾體貼既人...尋晚，我出左去搵佢，我係覺得對住佢係一種輕鬆既心情，因為我覺得佢真係應付到我既需要，我需要開心!

到左夜晚，我送佢返屋企，不過個時都已經2點幾，我係除左的士，基本上都已經冇車返上水，其實個一刻我真係想補償比佢，當初係我提出分手，係因為我放唔底青蛙，但而家一諗，我覺得係一個極之錯既決定，點解當初會咁諗唔通，咁執迷不悟去為一個會令自己唔開心既人死纏爛打...結果失去一個真正會令自己開心既人...而且令到阿塋佢都好傷心!

最得意既係，我去到佢屋企，我知道佢媽一定唔會高興，唉!老實講一個男仔去到一個女仔既屋企的確有d古怪，咁都係選擇返係佢屋企既沙發上渡過一個凌晨!由於長時間係半夜工作，我都係覺得有點累，我係沙發訓著左!我諗都諗唔到，佢真係會係我訓著既時候放上一件衫仔，呢一刻我感動!到我起身既時候，佢居然係地下訓著左，我知道佢陪我，另一個感動又出現左!

同阿塋分左手已經兩年，呢一刻我覺得自己對她太多錯失，錯係我對佢唔好，失係我比唔到幸福...我又內疚一次!

佢媽亦都係呢個時侯起左身，咁我都唔打搞人地啦!

兩個女仔，阿瑩同阿k其實我都好喜歡，因為我覺得佢地都會係一個賢妻良母，至於之前既阿芯、嘉儀、阿芹、青蛙同埋阿寶，真係唔好意思，我感覺唔到你比我既溫暖!