我岩岩收工返到屋企，沖左個涼就打呢篇日記!我好開心，因為可以在暴雨中飛過雨水...爽!

以前做外賣仔既時候，3號風球底下工作真是爽爆，雨大、風大，連雨傘吹走既機會都大!咁我個時揸公司架淑女，飛車飛到甩鏈又試過，只係差在未炒爛過公司既單車!

而家呢架車，改到行哂!再飛嘉福單車徑，感覺更爽!風雨撲面，我阿頭仲問我:「嘩!咁好易病架!不如你搭車返屋企仲好?」其實我個一刻諗，我係鴻利個時開工，整日濕透都試過(當然係辛苦到極!)，我咪又係咁挨過，講真由以前做鴻利到今日做新昌，其實道理都一樣，你問我邊份辛苦?我一定答GCS，托機、裝機、維修...

日灑雨淋，以前就食得多!而家少左個日曬，對我黎講已經輕鬆好多!

香港人未挨過，自問都係香港人，我覺得要挨既事，係層出不窮，只係退下火既退休人士唔明白新一代既困難!退下火線既人，以前經過70至80年代，香港最穩定既時期，咁我覺得人工有雙糧、花紅、大利是、春茗...而家有撚咩?

亦都係以前60-80年代，我唔明佢地覺得以前有咩咁困難?窮，仲有飯食wo?冇屋住，政府都起屋比人上樓啦?冇工做，大把廠點會冇呀?

換轉今日，2009年既香港，窮就食綜綬，仲要雞碎咁多，可能三餐不繼，冇屋住冇錢真係冇屋住，冇工做就真係冇...所以老一輩既人，其實係你地既年代，你地係比我地幸福好多!