「沒寄出的那封信」呢個主題其實我靈感一觸，有時候想將心底放左係好耐，但係不吐不快...所以今日我建立左呢個主題!有時候心底話難以抒發，頂住頂住咁...好辛苦的!

今次第一個冇寄出信既收件人係阿芯，其實阿芯係我第一個拍拖既女友，第一次當然係好開心啦!我諗個個人都會咁睇，不過我既初戀就唔係咁簡單!

阿芯:

      我地已經好耐冇見，雖然大家只係居住環境係同一個屋宇，唔同既大廈，但點解我地都係咁難先見到呢?呢個我都覺得既耐人尋味!有時間出黎吹下水，抽抽煙吧...

      我仲好記得第一次識係2003年，個次第一次見係同埋契仔阿健文、嘉儀、我細佬阿B，仲有妳!記憶中個次係夜晚，我地成班一齊去嘉福大天橋，睇火星最接近地球的那一次!個晚見到你時間唔多，但係我覺得有一種對你好深刻既印象，例如係一副可愛既面孔(有時都覺得幾似stephy)、babyface、很誘人既眼光...

     之後，再一次見你係健文生日，那時我還記得阿健仲未搬屋，住係你下幾層!你好快到左，食左一輪野，仲係佢屋企唱k!不過我記得你哭了，因為你的男友對你好差，又唔理你，你個時係嬲同埋喊tim!

    個一刻，我仲好記得我伸出我既左手，我就話:「如果有咩唔開心，咬啦!」你諗都唔諗，咬!雖然你冇咩牙力，唔多覺痛!但係個一刻我知道一個人唔開心，原來可以好簡單咁解決!由呢一刻開始，我心動啦!我覺得係時候要向感情事發展!我拖你隻手....臨走個時，我仲係健文屋企走廊錫你(呢個係我人生第一次)

   仲有另一次，我好記得同steven、ben、健文係GBD玩，但你又怕阿爸知你冇去小學個邊返教會，同你兩個頭走!天氣好熱，之後下午時間落好大雨，我同你係小學個邊打排球，可惜我既球技太屎啦!成日打到上左一樓...(要你個次係咁執波真係唔好意思)!我仲好記得雨中打波後，再黎更勁既雨!我同你雨中跑去7-11買左一把透明粉色雨傘，個一刻係我心目中好深刻!

   之後，我本來想約你係粉嶺名都買介指，兩個人買一對，本來係好正既事!不過個次係我搞到最混亂既一次，一D八掛既同學跟埋我係到等你!最後你冇係粉嶺出現，我個刻知道你媽阻撓緊我地，我明既!自問冇才冇幹，你媽咁高要求既，我又點可以咁易過關?最後用左一招GBD過招，好彩輕易飛甩到你媽!自呢次之後我知道同你外出係一件幾難既事，屋企對你既管制都唔少!

   最經典既係，我同你加埋我個班同學仔，一齊去沙田UA睇戲，戲係「旺角黑夜」....亦記得你好怕最後個段，吳懿祖係賨館係咁人爆頭!差D唔記得，我咁大個人都未試過係火車咁多人面前嘴!

   不過自呢次之後，我同你見既時間每況愈下!最後你都冇同我講直接分手，唉!自命無福無運...

   或者，日後再有機會見既，我都想可以重新來一次.!

前男友HERBERT...