其實向來我知道嘉盛一班同事都係好怕幾個人，咁呢幾個人分別係葉經理、何小姐加埋KK...

葉經理係嘉盛既「士頭婆」，因為佢係嘉盛兼管埋明珠既，咁大家可以諗到呢個阿姐有幾大影響力...何小姐同KK就係葉經理既左右手，呢「三劍俠」對於一班同事都係大人物，而且都係好需要尊重既對象!不過尋晚我係明珠同埋麥sir一齊共事既時間，我係好難得見到葉經理同埋何小姐最多野講既時候，亦都係我第一次同葉經理傾計，我覺得幾開心!

向來係嘉盛見到葉經理，佢係唔會同保安室既同事有幾句，始終佢為人極之低調，講真如果我係座頭遇到佢地，我好肯定佢會唔同我say hi之類...又或者佢只會望一望座頭呢個位置，之後就好快返屋企!

何小姐就好一d，因為有時佢個B仔就見到我會係到笑!咁我有時會係座頭同佢玩一陣，都幾開心既!因為佢個仔真係幾可愛!當然佢老公都係一個好nice既人，講真佢地一家三口(就快四口子)，都好好人!

KK...即係我入黎見到見我果個!亦都係一個好nice既人，點講呢...係一個好幽默既老大!見工我完全係可以好開心咁去同一個上級開懷講笑!

嘉盛就係一個好得意既文化，同事之間，不論級數高低都係一個好開心既大家庭，有d人會覺得做嘉盛咁大，又要做咁多野，好似好辛苦wo!其實我覺得係好碎料，講真我覺得我做以前既工都係辛苦工，而家呢份工算得係d咩ar?香港人總係會係到比較d工辛唔辛苦，其實份份都不相伯仲，以一個較大既對比去比較啦!地盤工人對寫字樓文員...兩種我都係覺得係辛苦既工，一個係體力消耗既辛苦，一個係壓力既辛苦，各有難處但係社會上同樣都係一個不得不缺既角色。

麥sir向來都係大膽作風，尋晚經常都係同經理何小姐係到係咁搞爛gag!我知道麥哥係一個好開朗既人，但我唔明白點解嘉盛成班都係好怕佢，講真又有咩好怕?我覺得怕麥sir其實係來自佢地內心有一種自以為事既心，因為呢班同事都已經係社會上經過一段磨鍊，到最後而家係嘉盛會覺得自己做得掂，會有自以為事既心態，麥sir其實係我印象當中係一個最唔喜歡「大哥」、「大家姐」心態既人，亦好幸運地，麥sir對我都唔會話過份既嚴苛，或者係好惡相...

另外，平時係嘉盛做送文件同衫既李sir尋晚都有黎line check!亦都見到呢個平時好木口木面既人，都係一個哈哈笑既人!不過同佢真係唔太熟，冇咩話題岩傾!

好開心既係，我好快渡過左明珠既一晚!