尋晚，我放假...呢個係一個好消息，我同細佬係10點個時出發去大埔海濱，兼記返條路出沙田!

好啦!尋日我收工個時我一氣之下去左老潤個到換頸，換完之後重心佈極佳!45蚊完成!

係同細佬一齊玩車之前，我送左條TRD安全帶笠比迪仔，迪仔又好開心咁送左個火箭頭既喉嘴頭比我，我都幾開心!之後迪仔好情緒高漲就話要同我挑機，個時康仔都係到，咁就形成左兩架淑女vs康仔既子彈，咁係呢段路呢係田料學校出發，我提出用立站三角式既起步，頭位佢地兩個比我，之後排2位既係阿迪，3位係康仔，起步我故意拖慢用一波起步，之後呢我發力後追，去到紀律部隊宿舍個時，阿康已經比我追過，6個車位之後見阿迪，阿迪知道我已經追到黎，咁就用企爆法打算放走我!但係我係內手法過左迪仔，迪仔頓時係呆左，最後我到尾去到嘉盛入口我架車因為未熱身，突然甩鏈!幸好好快就搶修左，不過我見迪仔同康仔都已經玩到根疲力盡，之後去左石場休息!

康仔架車係用手推勃波，上波出現問題，經常性聽到d kaka聲...想快都難!

迪仔架車係52齒大餅同18齒原廠，車身風阻太大因上了大籃，所以快極又係有限!

咁10點呢個時間，我同細佬係樓下出發，我覺得係好黑仔既事實，細佬架車仔經常係鵝頸夾有鬆弛既情況，由於鵝頸對於原廠淑女呢講係一個幾脆弱既部份，曾經我都有爛過鵝頸，60蚊ar!大哥...

之後係大窩西支路車好少，我覺得幾好!好快就到左大埔，咁去到海濱公園亦都係唔錯，我足之試到架車而既平路高速係幾多，真係好快!咁路上見到唔少MTB、ROADBIKE、淑女、子彈、BMX...不過見到我地兩兄弟都已經啞哂...快成咁真係嚇親人!