近排係處於「荒涼期」，嘉盛係呢個時間靜到乜咁!因為呢五一黃金周，好多人都出去玩!咁當然包括班小霸王!

我最近尋日岩岩完成左考車，不過個結果就好慘，我就係考試既時候表現真係好差，3手胎變左5手胎，入彎鏟左去隔離線，只係斜路停車同開車加埋泊位，係做得最好!不過泊位就有好危險既情況，因為我泊得係大細邊得好厲害，鬼咩...早左入彎令個角度唔準!

咁呢個都算...講真都預左會發生咁既事，因為我都自知d技術要多d時間先至可以得到一個積累...

至於呢個「她」發生咩問題?其實就咁既，小寶佢契姐阿程最近係感情上又遇上挫折，件事就咁既，佢同男友分手了，其實我就覺得呢個組合唔會係一個happy ending，我第一次見到程既男友(我之前有提及過)，講真比我感覺係一個好爛仔格既人，爛滾、爛蒲、爛索，仲要係好唔理會男友...

呢d人我覺得唔需要為佢哭啼，只係我唔敢係人地面前幸災樂禍，我覺得佢地分開絕對係good news，我唔明點解阿程仲可以為佢喊，如果佢喊係因為比條仔食完鬆，咁喊就抵，但係如果為左想同返佢一齊，咁我真係覺得阿程無腦!

另外呢個「他」，返而唔係近齡人士，而係一位朋友兼客戶迪仔既老爹丘生，完來尋日聽到丘生講佢一家三口既故事，先至知一個快樂既家庭背後，完來他都一個飽受壓力既父親，因為佢係一個失去左工作能力既人，而老婆係成為左家庭支柱，變相老婆會覺得「我咁辛苦做野，你兩仔爺就毫無生產」，講真丘生已經有病在身，迪仔又咁細個，何來有生產?

話佢地玩得夜，咁兩仔爺其實應該多D時間去照顧個阿爸，至少令佢唔洗咁悶，開心D!阿迪仔其實都已經比我感覺係孝順仔，係百厭爛玩姐!

丘生壓力就係不是生產罪名、在樓下同仔夜蒲、飲酒，咁我知道佢其實係飽受轟炸，老婆每天都是一把M60自動步槍顏射佢，咁邊到有人生樂趣GA?