尋日同今日一樣，曬死我了，大家都知，我呢d不見天日既人，最多望到既唔係個太陽，而係星同月!

我就一個人揸住自己架單車，就去左大埔，當中係以盡量最快時間去大埔，咁我就來同回係大約用左各45分鐘，即係總共大約90分鐘，呢90分鐘，覺得係獨自在走，但未見最孤獨既90分鐘。

由樓下出發開始，我係第3分鐘個時去到紀律部隊宿舍個到甩左次鏈，唉!未熱身就拋錨，好唔老黎!之後經過一輪係咁踩，我係去到大埔再甩兩次，分別係頌雅路一帶近孔教周沕桅小學及何郭佩珍中學各一次，唉!真係要搞搞架車仔先得，下下都未出發先興奮咁甩鏈!完全接受唔到，而且一架優良既車，應該要係呢d時間保持到好既水準，但尋日真係令我跌眼鏡!

之後我呢個小旅行既終點係我呀姨屋企，係鳳園入面!45分鐘完成，其實係比我expert既快，因為我知道甩咁多次鏈仲可以咁快到達我覺得已經係奇跡...

咁我好耐冇見我呀姨，我媽咁岩又係到，兩姐妹對住一個細佬，即係我!咁都傾左一個鐘，之後再搵我表弟，不過我表弟已經比部電腦入左迷，佢掛住打機而唔理我，唉!仔大仔世界了...

我回程既時見到好多野，例如係一架就快散既子彈，一架抬機既子彈忽略就快散既子彈，一架無咩點改裝但快到無奈既淑女，反而我唔太欣賞呢個車主，第一由我身後插過，太近我啦!我覺得係行車上真係要用「行車時與物體太接近」，個grade係嚴重!

之後唔顧及道路使用者安全，一路掛住望我，唔理前面，我覺得太危險了，萬一炒左我覺得唔太安樂，始終對我來說因我既影響，而令佢發生左意外，內心總有少少難過!

出返大窩西支，我見到一對唔知情侶還是夫妻，男的揸個d好似solar既普通波車，女既居然係大淑女無改裝...好野!呢d真係搞鬼!