17號星期六，我同臭軒、kelvin、阿然同埋阿B大戰鹿頸...

路線就咁既，先去河上鄉食個豆腐花，再上大窩西直上大埔海濱入科技園，返轉頭去大美督，再上新娘潭大落斜去鹿頸...

咁今次有一架GIANT既RB，一架KHS，一架DAHON，兩架淑女...當然我同細佬係淑女啦!其實淑女拍埋去真係冇得追，事關淑女係一架低速車，車架重...所以都係呢一日陪跑!

咁第一站係豆腐廠食野，好多人囉!成批人係旅行團咁樣黎食，不過都開心既!

之後我地出大窩西既時間，RB既阿然陪我同細佬，因為kelvin同臭軒已經直爆左出去，咁佢地行緊至少30幾km/h，我地得個10幾，食塵...可以見到一架真正賽車血統既車，同一架唔係既車，對比之下係可以有好大既差別!

天氣係個日真係好熱，咁我同細佬就因為要追d賽車，咁我地只可以加緊腳步...係科技園其實係最好玩，因為有條大隧道，個到可以有好快既速度落斜，我係好enjoy呢兩隧道，之後我地上左中大，玩斜路!不過係上到半死lor!但落斜又係可以好快...

意外係呢個時候發生左一次，我地一齊回程去大埔時間，照樣有行長隧道，不過我就慘d，因為有個大約7至8歲既小朋友，女仔黎既!佢落斜我又岩岩落斜，係隊道入面中間既地方發生佢撞車，我就冇事，不過個女仔慘d，因為佢驚得滯，而且佢車仔細過我，只係bmx仔!佢一撞就撞中我車既右角，佢就成個食正飛彈5米，我心諗大鑊了!因為咁既撞力，佢一定好傷...出奇地佢飛完落地，冇事!係呢到如果個位小朋友見到我呢個日記，我想講:「萬分抱歉」

之後我地去到馬料水一帶，突然間臭軒佢地見到一架cannondale，嘩!佢地即追!2分鐘之後，我同細佬已經見唔到佢地尾燈...

咁係海濱會合返之後....再去大美督上新娘潭，我地淑女改哂波完全上唔到，死死地氣推車，佢地已經晨早上哂山!

之後經過新娘潭，我地一齊玩水，好涼快!

最後，大落山!臭軒佢地已經以120km/h落哂山，我地應該有75km/h既...最好笑落到釣場，有隻大唐狗，追我同細佬架單車，發夢既!屁追!正一蠢狗!