呢個星期既工作都好多，因為有好多範疇，例如冷氣機滴水、嘈音問題、更內新同事經常沒有上班。

我唔明白點解一個屋苑既滴水問題可以咁嚴重，雖然就係話呢個屋苑已經有10幾年歷史，但係冷氣機真係衰老得咁快?不過我覺得係d業主冇理會過樓下既感受，我經常地面對既情況係冷氣太舊，又唔肯換機，又唔肯加返條喉，搞到d水係周圍滴!

嘈音問題係時時都有，因為d人總係則則搏就唔多覺，由其係裝修既單位，好多師傅為左趕起貨，做到好夜都唔捨得走，呢層都明既!加下咁既時勢，唔做多幾單生意，又點可以搞好一間公司?如果唔係，咁就好淪為失業...

早排不停咁落雨，令好多大廈內既燈都有損壞，一黎係濕氣啦!就咁好似尋晚咁，我開維修單都有一大堆...

近排黎左個新同事，係一個有20年保安行業經驗既行家，不過呢個行家似乎唔多捱得，第一日返工已經係覺得凍要加衫，大家可能會諗...下?天時暑熱仲要加衫...係呀，呢個同事真係唔係講笑!

身體差，又好多時都攞病假，做左幾個星期就已經用左好多次sick leave，我就諗...咁做法唔係辦法架，或者佢做左好耐都係好舒服既site，呢d咪就係嘆慣既痛苦囉...有幸地，我對上做咁多份工，都係比呢份辛苦，咁我覺得做外賣仔個時真係辛苦，日曬雨淋!做電話學師仔個時，搬個d器材真係搬到我半死，太重啦!