今日，咁岩又係我放假既時候，咁放假其實對我黎講真係冇咩做，講真放假就係有好多野都係消費，好多你會想買...
 

首先就講下第一樣野，交易!今日有一個網上識既車友阿傑，住沙田既...咁佢就有幸買到一條橫bar仔...咁傑仔的確係好細個，亦都見到佢都幾有心機改車...
 

之後我落左深水步，咁就當然要醫下肚先啦，收工返到屋企，一路訓就已經冇食野，去左西九龍中心樓上foodcourt，去左一間叫做銀座二丁目咖哩...大家會諗日本既咖哩，咁就多數係唔多辣既...係咖哩界黎講都幾有趣

我叫左一個套餐，係德國咖哩加一個set係薯角同可樂...30蚊找。或者大家會開始問，咩野叫薯角?薯角，同薯條接近，不過麥記既薯條係一般薯仔炸成，而薯角係一定要用焗薯先得既，而薯角形狀係一個擦膠大...咁講返個餐飯，唉!其實老實講，餐野係唔多好食，第一咖哩真係咖哩，但仆街在得個d汁呢?咁我真係食汁同飯?第二，通常d快餐店提供既可樂都係壓縮可樂，咁呢d壓縮可樂同大枝裝利賓納一樣，都係要稀釋既...不過佢d可樂真係「一升」、「兩升」，好似加左好多水係當中咁...第三，佢有呢個特色既酸菜，我同個姐仔講話要少少...真係好少囉!你比咁少，不如你唔好比啦?
銀座二丁目咖哩令我好失望，點解一間咁既食店可以做出d咁低姿態既運作同埋質素?不過一山還有一山低，我見到二丁目既對面有間係食西餐既，大概係意大利粉個類咁既，見到個店面，空洞到不得了，例如係個水吧位好似無乜食店既器材，cashier得閒到玩電話，比我感覺係拍烏蠅。既然都好似無心作業既，呢位老闆不如打脆執左佢好過，因為呢d只係浪費時間...
 

之後去左聯發祥，搵下老闆娘傾下計，的確我係幾喜歡同老闆娘傾既，因為佢真係一個好好既人!我亦都好欣賞既生意作風...
 

再之後去左一間以前有去過既二手模型車店，點解我會去果到呢?因為我覺得油車真係太麻煩，漏油、好臭、易死火、易損壞、太貴...種種情況，我都冇咩大興趣再去理架車，咁倒不如放左佢好過，不過我事前都要了解一下個間鋪收唔收車，幸好都收既!好啦，下次再出深水步真係要放車了</p>
咁到左3點幾4點，我去左新之城打機，今日都好多人，咁我都係玩灣岸啦!當然今日都遇到個唔差既對手，咁都玩得幾開心既!不過勁既人太多，我都冇本事去挑機!不過我之後屎忽痕去玩一部叫民改既賽車機，畫風係靚...不過手感同遊戲比人既開心度真係冇乜...</p>
再後來5點至6點我去左文明睇拳套，見到有一對好薄料但又好舒服既拳套，咁其實都幾討我歡心既...不過要買都係遲下先啦!</p>
 

咁之後我去左chi 之堡買左兩件lucky strike既tee同埋哲古華拉皮帶，咁最好笑既係店內既老闆係一個女仔，咁佢比我感覺係好似無食飯咁，幫我釘皮帶釘極都好似釘唔入咁，唉!點解香港而家既女仔個個都係四肢無力，頭腦簡單?
 

最後夜晚個時同埋steven、雞、林澤雄去睇呢個康州驅魔實錄，咁當中係出現好多靈異事件!的確導演整得幾真實...因為曾經我都預過呢種現象，由其係半夜係嘉盛...