早幾日，我去左車鋪搵左少少零件，一張跑seat，一枝carbon既坐通，我覺得真係好開心，一直以黎我都想搵多d碳纖，呢樣野真係好貴吸引我，講真碳纖係雖然係黑灰色一枝野，但係佢功用原來係好多...

咁我亦係幾日前買左個車水樽，太好啦!唔洗再用個d汽水樽，因為個d樽真係成日跌，其實咁搞係係好危險，因為個樽跌左出黎而自己架車踩正，或者後車踩正，真係害死人架...

咁車就改左少少，不過公司既野就有好多改變，因為我覺得愈熱，愈多野做，我覺得愈來愈累，每日返到屋企，我都有一種感覺，就係累到唔想活動，最好快d訓一教，咩都唔好諗!咁就最符合我既希望!

天氣熱做就左好多問題發生，冷氣滴水、老人家唔舒服、青少年堆積係一d地方...冷氣滴水，我已經唔想講...因為而家好多case已經去左食環署跟進，講真嘉盛呢班人真係好自私，大部分都係顧自己先，雖然話就咁講「人不為已，天諸地滅」，但係你整到人地，係咪要改善下自己呢?

老人家唔舒服，唉!岩岩早幾日，有個老人家就應該年紀老啦!加上呢排d天氣咁熱，身子頂唔順，咁就仙遊左...不過都唔夠我有個阿姐同事，唉!個細仔，cancer死左!30幾歲人咋...人真係化學，話仙就仙...

青少年問題，唉!孔少又打人，我今日4點工作既時候，豪仔就因為得罪孔仔個邊d朋友，結果孔仔夾埋成班打到人地豬頭咁返黎，唉!孔仔有時真係火爆，早前搞到一個老友不和，而家就到豪仔，講真有時咁搞法，好快又到警車來來往往既時代，我唔明有咩好打?