今日，我同阿然加細佬去左踩車，咁見天氣都算係晴朗，咪去行返轉沙田...

咁出黎個陣，細佬發現架車好似怪怪地，咁去左山車堂睇下病，原來係個setting上出錯左，咁好彩龍搞返正...之後去左經濟又實惠既漢興食左午餐，就出發去左沙田...

咁今日天氣其實都幾熱，去到大窩西熱到媽都唔應得，相反地去到科學園，又好大風，反而令到個人係亦風踩，好吃力，不過呢個係練習既一種，至少身體得強化!

唉!去到科學園，我check電話見到terry打比我，又係一番理論...佢就話我點解做咁耐保安唔轉工，又讀下書進修下...有時候，讀書要錢，錢從何來?我屋企而家既情況邊到容許到我讀書，我媽都寧願我盡少用錢，講真我去讀書，唔通叫我讀IVDC?IVDC係比中三失學既人再讀，咁我年齡過左，學歷亦都過左，無理由叫我讀IVDC，叫我讀返IVE，老實講屋企既收入(即我老豆個份糧)係唔會申請到政府資助，更加係我老豆一定唔會比錢我讀IVE，我媽無咁多錢，佢地正式離婚又未到，又要物色緊未來既屋企...咁我係只可以做工...

講真有邊個唔想高學歷，唔洗咁辛苦返工就收錢，但係我最怕轉工會面對失業期，因為而家搵工好難，我見好多朋友都失業成3個月至半年，學歷高我好多，我見佢地已經出現唔敢出街，唔敢消費，日日去捕好工，登門叩首去搵工都冇用...我就係唔想咁，因為呢個係極大風險，而家做保安，唔變動慢慢做，有野學不但止仲係做得開心，咁樣其實係最穩健既做法...相反地，如果做其他工種，我最怕係公司倒閉，做得一陣又無工開，因為我見到以前做個間公司，見到前同事herbie既客戶表，嘩!10間有6間收左皮，仲做個d工?不如而家咁啦!保安行業向來變動少，炒魷魚又少，倒閉機會率好少，做住先!或者日後有機會上客戶服務助理，做呢份上去又有可能晉升...

之後我真係比terry激死，講真佢唔係太明我既處境，不如唔講了，cut左線...

咁去到沙田城門河，我見到河無人扒艇我就覺得奇怪了，原來係天氣問題，咁我見海上有白浪花，天又陰哂...難怪冇人扒艇啦!

由於有見及此，我地三個都決定快快手返大埔安全d，好好彩地...吐露一路都未有半滴雨，不過係大埔就唔係咁啦，好大雨!我地三個都落湯雞，唉!真係無陰公...

最後我地焗住都無得行大窩西，要搭火車返屋企...其實都幾掃興!不過都enjoy左幾個鐘既運動...