我尋日返到公司，都唔知原來係3號風球，其實係尋日大概下午1點幾時候掛...

1點幾，我咪係大窩西支路至吐露港囉!唔怪之得尋日係要亦風係到死爆爛爆啦!

尋晚開工都算唔錯，講下d趣事...我尋晚12點做巡邏，見到孔仔同劉翔，孔仔係成日火爆打架打到嘉福都出哂名啦!劉翔係孔仔既樓上樓下鄰居，之前我都唔知佢地原來係識既...孔仔講返比我知，原來佢地係差唔多由細玩到大既...

之後佢地講起以前衰左野入左監個時d搞笑野，劉祥係講有d監房老鬼坐左幾廿年個d，咁一個大倉都會有一個多人廁所，咁廁所都會有洗手盤既，不過就唔係用瓦，係用不锈鋼既!因為監房唔會用d容易有碎片，易碎既物品!咁平時監房都會有膳食時間既，劉翔就話啦!d倉友每人儲埋少少飯，積少成多實會有一大堆既...趁d獄警冇巡邏最吞撲既時間，佢地就「開飯」

咁我諗大家都會有一個疑點就係，監倉內邊到有煮食爐或者可以生火既功具?孔仔佢見識到好多神人，佢就話有時外出服役或者係監房工作室工作時，有時會偷到電芯，同埋萬字夾，咁呢兩樣足夠產生火花，有火花就點到煙仔。自然就係話，炒飯對佢地黎講有d咩難道?

孔仔問我，你有冇食過香港煙...香港煙?香港何來仲有煙廠?早係好多年前既香港仲有煙廠既，例如旺角廣華一帶有條街叫煙廠街，但家下都冇煙廠...咁監倉既倉友點樣食到煙，方法一: 獄卒混熟一點，有時d 阿sir咋抵點煙，之後扮跌煙，然後一腳抽射入你個籠入面，咁你就有枝煙仔食下。方法二: 製作香港煙，將一d獄卒踢入既食少少，又唔好食哂...儲埋一少少，咁樣積少成多，再加入平時食飯時間可能會出現既牛油紙，咁樣圈埋就有一枝由監獄出產既香港煙。

以前睇監獄風雲，講到周潤發係成枝老萬咁攞住就圍行，而家唔得啦!因為香港政府唔想咁多食煙，索性取消左服刑中監人食煙，不過規則係死，獄警係生既!