自我買左部新單車，咁我就有買埋小車袋，入下野都幾方便...不過呢自我轉左跑seat同埋carbon通，唉!個袋仔唔係好食得實個牙位...

尋日都幾大鑊，我係山車堂搞完架車既setting之後見到無名，佢轉左車...不過都係無咩進步，淑女上子彈...我心諗:「唉!屋企人咁錫你，你就買街車又想做到公路車效果...」

比我解釋一下點解街車總係會比公路車慢，咁首先車架講起，一般公路車最大重量值都係15kg到啦，而街車講緊既係20kg或以上...點解會有咁重量分別，原因好簡單，一分價錢就一分貨...一架幾千同一架銀幾百有找既，自然係一個好大既對方。講下零件，都係蚊比同牛比，不過近期多左好多街車之人裝左好多上價零件，但都係老實講個句，個車架重，你想快都係慢人少少...最後就係改裝潛能，街車好多時因為美觀性質而加重個車身重量，例如裝機抬喇叭、裝光管...唉!咁多濕星野搞...

咁尋日同無名去河上鄉本來係打算食豆腐花...咁我去到粉嶺泳池，嘗試後追兩架街車，點知個袋仔係呢個時候突然甩左而我都唔知...去到河上鄉先知個袋甩左，之後我好焦慮咁極速踩返出黎，因為個袋入面有銀包身份證仲有開工一定要有既保安證...

之後返到粉嶺泳池，搵極都冇...我最後去左差館報失...真係符碌仔，咁都比我搵得返，原來有個好心人幫我執返去差館...真係好彩