尋日天氣正係唔錯，咪落街碌下車，睇下出唔出吐露港...一落街，見到阿傑，呢個阿傑係我由中學玩online game石器時代既朋友，而家玩玩下又一齊玩車，真係有趣!

咁佢同我傾開計，講起carbon fiber既單車零件，咁我就其實幾鍾意carbon既物料，但係原來有好多弊點!

咁carbon fiber雖然係一樣好輕既物料，有基本需要既硬度，同埋有比金屬好處係唔會生锈...但係原來carbon都有佢既弱處...

以最新科技carbon fiber波餅為開首，咁由於carbon係唔可以接受高度施力、磨蝕...咁一隻餅通常都係以鐵、釱、鋁合金之類既物料做出黎，但係新科技想連隻餅既輕埋，但又唔可以全炭纖，咁d廠方就諗到係隻餅腳由金屬改為炭纖...結果今日係成功左做到出黎!大致上係港幣5000幾蚊一隻

可惜炭纖技術係現階段其實係仲有破綻，頭先我提及不能高度施力，傑就話係單車比賽中，有朋友因為係比賽中途「斷腳」，斷既唔係自己，而係隻餅...呢d真係令你激氣，講真比賽係咁既關頭先黎爛野，明明第一都變包尾...

講下另一種零件，飛機頭!飛機頭係環法當中算係一個幾新穎既零件，咁係飛機頭黎講同山羊頭或TT頭(鐵人頭)既用法係一樣，不過呢飛機頭完來都有問題，問題出於第二手把(破風手把，中間個兩枝野)，傑就話呢D飛機頭係好深受歡迎，但亦有爆裂情況出現!

傑話:「當時我比賽就黎埋線衝終點，咁名次已經唔理啦!但係因為用左好大力壓係飛機頭上面，結果出事啦!斷棍...」千幾二千買左呢種ITEM，結果可以一場比賽場埋左單，不過呢D冇得抱怨...CARBON既技術依然有待改變....」

同阿傑請教完，我覺得好滿足!之後我就去大埔，去到大窩西尾，有大條底!之後又見到細佬，阿然同臭軒...之後去左和合石，大斜路唔錯