前日，我同細佬、阿然、臭軒加埋阿宏咁出左去孖橋，其實都玩到冇咩好玩，講真而家都只係能夠做到既就係提升速度，的確速度上係愈來愈快，真係去到何時何時都有爆炸力...有朋友曾經對我說:「你同你班fd真係好似唔洗休息咁架!」

咁吐露港向來都係好多租車既人，而且租車既唔好祈望佢地係車上有d咩好技術...阿宏係其中一個當災者...一架租車GTA炒車，打中一架大叔既RB，再打中阿宏既車...阿宏架車又受到一次不必要既衝擊...唉!條LING就又惡化多一點，已經出現左明顯既弧度，得啦!換...

阿宏後黎大埔先走了，真可惜!

之後到夜晚既時間，我地去左大美督一個叫做大草園燒烤樂園....咁我就第一時間諗到一個笑料...如果以前有玩ONLINE GAME龍族既人，就一定會明大草園係一個打國戰既地方，由於呢隻GAME將玩家會分成三組人，即三個國，而中間打仗既地方...而個度都會有D怪獸，例如雙頭巨人、木吉那...之類既怪，我打趣講左句:「木吉那出黎食野...」

70蚊每人，抵食!任食...有泊車位，包括單車同私家車...有送罐裝汽水一罐，不過通常都唔會夠喉!仲有個唔錯既啤酒妹...泰象啤!NICE...

不過返屋企個時就慘慘啦!我地4個一齊走，快爆扮猩猩...出事啦!我同然仔近車太貼，不過我炒左，左額好大塊位、左後膊好大塊位、左手腕內則一毫子咁多、右手手腕面五毫到啦...左膝1蚊咁大到!基本上係我人生炒車炒得最堅既一次，不過今次真係衫都爛埋，好彩雞車衫一件!

睇黎都有排休戰!