尋日朝早出左去晨操吐露，開頭我就係到諗...嘩!岩岩收工就出車，好危險wo!個個未訓醒但又要個個著lock鞋...有可能仆個半死..搞笑地又冇事...

然仔岩岩同屋企人係去完北海道旅行返黎...呢d屋企真係唔錯!講真我屋企成日去黎去都係返深圳、布吉...講真都幾悶!即我會覺得去呢d地方，其實同香港分別不大，只係消費指數低點，覺得去一次深圳幾抵...

我覺得國內其實以深圳為計，我覺得除左係食、按摩、打保齡、去免稅店帶多幾包煙...其實都無咩野玩，最多咪去下歡樂谷(我咁大個人都仲未去過)。當然你問我「另類」娛樂...即係去水都玩K、去下D色情場所...唔好搞我啦!老實說，我對毒好反感，召妓唔係一個好玩意，擔心生花柳愛滋，又要怕公安踩場...咁玩黎做咩呢?

咁講返阿然個D先，阿然送左D手信比我地兩兄弟，分別係一件北海道tee及一樽好似吉野家蟹籽飯入面既wasabi粉...正!對於我呢隻黃虫黎講係天大既恩賜!

另外講埋踩車先，我真係估唔到一d富家子弟都會咁早踩車，成班都係大概小六至中二既歲數，但係佢地既車起碼至少1萬打上!最貴果個小朋友有成5萬出緊街...個班細佬我相信係讀緊國際學校既，成班都係講英文吹緊水既...即所以話有錢人過既生活，比起我地黎講真係遙不可及，5萬蚊...我都未有!不過我相信一樣野，今生富貴下世倒米，今生窮困下生管郡，人既命有起有跌!

係到再次感謝阿然送贈的手信!