我地偉大既祖國，開國至今都仲係企硬共產，係鄧伯搞搞新意思，講所謂既有特色的共產主義...其實有d咩改革?就係取消左個d人民公社(幾乎冇貨幣可言，食飯要米用米票，每個月人民公社出飯票比你)、開放國家經濟(即係而家返大陸投資公幹都係改革帶來)、多勞多得(以前按你既學歷、意願去安排你做咩工，有做又36唔做又36既來由，由於定額薪金)

咁好啦!國家開放左，思想仲係落後，家陣國內仲係要做所謂既「洗腦技術」，咩洗腦?唔係打針食藥，而係做一d樣板戲(舞台劇)，即係個d白毛女、董存端、雷鋒個d...尋日睇蘋果日報，有一番體會!

白毛女係講呢個女仔放棄有錢少奶生活，跟一個推行革命既窮小子過活，而呢個小子仲要批鬥整死白毛女既老豆，我覺得呢個係一等硬膠題材。

試問d女仔，你會唔會同一個殺你屋企人既人一齊做人世?我諗十個有九個都會恨之入骨對個d旦散!第二，你會唔會同一個窮蛋一齊?除非呢個男人真係對你好好，你又唔介意挨窮啦!第三，搞共產可以一定有飯食?係一定冇，如果原汁原味既共產，係百分百餓死人多過食得飽...

董存端個故事係講呢個軍人，打仗其間為左攻破敵方陣營，自己攬炸藥以打保齡自殺式撞入去，故事當然講共產贏哂咁啦!

不如問下d打wargame既人士，又或者一d有當軍或警察既人，佢地會唔會抬起枝槍，盲目咁撞向對方陣營?我諗如果香港警察當年咁樣對抗葉繼歡同張子強既AK47、火箭炮、手榴彈...我諗有好多個已經蓋哂香港旗...打仗係要衝鋒陷陣，但係要講支援、交替、技巧、經驗、體力消耗、智慧、分析、應變...呢個共產將個戰場白癡抬到有咁高得咁高，你覺得共產仲係唔係有智慧?

雷鋒，講就講到一個戰士為人民服務，聽落好似幾順耳，其實呢個係國家想樹立一個形象，幫解放軍賣廣告，即係如果人民你地當解放軍，解放人民既痛苦，你地就會好似雷鋒咁，成為一個受國人愛戴啦...故事講雷鋒D英雄野，其實都冇實史既，只係D導演將雷鋒包裝到英雄咁，順手洗埋D人腦...

有時候，共產國家搞埋呢D野做乜?一個國家既政策，應該係能夠兌現人民既合理要求，而且唔係標榜吹水歷史人物，而係要有堅料，即係美國既華盛頓砍櫻桃機既故事，咁真係堅嘛!對人民生活有彈性，唔好再封鎖人既自由!人係會反擊的...

我講一個比喻，人將老虎關係籠入面，人在外就覺得老虎只係好似一隻加大碼既家貓可愛，其實D人唔明白老虎危險在於邊到?因為佢地隔住個籠睇隻大貓。

但當老虎覺得人對佢太束縛，即係個籠...就算個籠點樣再加大，老虎終有一日會沉唔住氣，將人咬食甚至吃掉...