尋日，我自己一個人出左去走左一轉孖橋，的確無乜人...成條路有時一段得自己一個，加上陰天...好有一種來臨荒廢，與外界失去聯絡既感覺，加上仲有點涼涼地，不過我覺得人在世間需要感受孤清...感受被世界遺忘既自由喜悅或者係失落的感覺...

由於我踩單車時速已經係33至45km/h，所以呢其實係車上既時間，都係打冷震既渡過，無計自己未有長袖車衫同車褲，一d風吹埋黎...嘩!要同風阻戰鬥，更要同自己既耐寒能力再戰鬥，呢種感覺一d都唔好玩的，因為你係當中係用左好多既體能同力量...

去沙田個時，其實一路都踩唔到快，原因好簡單，一路上已經用左好多體力，而且我係由上水去到沙田係未停過，所以去到科學園，我只係keep到得返33km/h，因為路途太多，而且太大風，自己架車未改到可以有多d破風位，唉!硬食風啦!

去到直墜道...入去個時唔知點解架車拋左一下車頭，嚇死小弟!我好驚反車...而且當時係有40km/h，入到去墜道，嘩!55km/h好凍ar!

d風迎面咁快吹黎，其實面皮會有少少痛的...