尋晚，係開工既時候我覺得好爽...因為尋晚擔大旗既係大黃虫...

尋晚大黃虫當住我地夜更面前數哂個好衰既蓮姐同事既惡行，簡直係大快人心，我覺得大黃虫先至係一個有領袖能力既人，因為我覺得新哥太遷怒於同事既需要同埋感覺，雖然人與人之間相處、工作上都應該有份人情味，但我覺得呢d唔係叫體諒同事工作的辛苦，而係將有惡行既同事放縱情慾...

咁呢位蓮姐到今日都仲係未知死架...到今日佢都仲要係到玩野，大黃虫係當眾breffing既時候已經數爆佢d衰野，例如係濫用同事來座頭巡邏去廁所(濫用職權)、未有按主管所編制既更表行事(不服從命令)、違反主管指示(不服從命令)、借大廈垃圾房水喉沖涼(濫用公司設備作不適當的行為)、佔用垃圾房放置自己的衣物，包括內衣褲(濫用公司設備作不適當的行為)、佔用同事來座頭巡邏小睡，同時不是在小息時間及不理會同事勸阻(濫用職權、刑事罪行、不服從命令)、巡樓經常性超時，本來巡樓只是可用大概一小時，但佢用左接近2小時(不服從命令)...

今晚，公司開保安會，蓮姐聲稱要向老大嚴sir投訴，哈!到時有野睇囉...嚴生係完全知道佢既惡行，呢d人點解一直都冇被革扯，就係新哥保呢條撚樣，我覺得好扯火架，講真呢個女人係工作上有破壞冇貢獻，同件廢柴冇分別，而且仲要倒成team人米，咁搞法成玩兄弟都會比佢搞死，講真佢日日都整到人地好遲先頂完佢位，仲要成日處理佢要去廁所既時間!

大家諗深一層，一個人冇毒癮冇膀胱損壞冇腎虧，一個小時可唔可以去到3次廁所咁多?你話啦，佢係咪係到玩野?講真人人都做野做到足，佢仲要人地做埋佢個份囉而家...

另一個同事阿珍又係架，識得話人唔識自己檢討下，同公司攞正牌就話07:15可以由同事頂位去廁所，但係佢係保安室入面談笑風生一輪之後，一留就15至20分鐘先返，佢先至慢慢行返自己個座崗位，我心諗搞錯呀...同你頂位係到講早晨，你就係到歎?好唔公平姐?

兩個阿姐d所為，都係多得新哥太就d同事，搞到我覺得係一個爛攤子出現既時候，換著我係主管，阿珍個D係保安室嘆既即刻趕佢去返崗位，阿蓮個D呢我唔會保呢D人，呢個世界大把人要呢D工開飯，咁洗唔洗就住呢D人呢?同公司養個無用既人，冇意思架WO!

蓮姐成日呻自己成日點樣比大黃虫欺壓，講真你d惡行收回既，邊有人對你唔好，根本自己係到「玩火煲蠟」...有種既放多幾枝火柴、蠟燭，最好加多d水tim，到時睇下幾時出事囉...