尋日係星期日，加上有重陽節公眾假期既關係，好多人都選擇出去玩下消費一下，但造成一樣野就係香港人玩人做事都係一窩蜂咁去，所以選擇左踩單車既就有好多人啦!

好啦!出到吐露港之前行大窩西，都係個句啦!四個好快，一個好慢，慢既梗係指偉哥啦...我唔明點解佢好似踩極都係咁，除左換左車，就冇咩太大既進步位，不過算啦!呢d就係唔肯付出代價，但又想有佳績既，「坐這山，望那山，一事無成」正正就係呢種態度!

去到吐露，唉!慘過紅隧過海既災難程度塞車，對於租車黎講就好有樂趣既，成班人一齊玩好開心，但對於用自己車既人，就一d都唔好玩啦!好多時都係想玩有速度，但而家塞滿咁，玩屁?甚至我地用lock鞋既係好怕有累街坊既情況，因為我地比人撞，真係唔夠時間解踏落腳，到時就等訓底...

偉哥尋日就不幸地仆左一鑊，不過我就覺得好明顯係技術不足同埋駕駛態度既問題，點解話技術不足呢?第一，尋日佢係5個人之中得佢一個係冇lock鞋lock踏，但係可以仆到車都鬆叉?即係話佢無適當咁控制車速同埋行車距離，咁咪炒車lor!老實講，有玩過mtb識少少定車既人係比較有保障，因為mtb好講定力，因為mtb好多時係山上都要技巧就係要定車，係企車既情況之下，要唔跌少移動之下企好...呢個係相當有難度，但偉哥無奈唔識，因為佢由街車升上黎，好多野都係唔識!

第二，駕駛態度亦係一個要點，佢成日比我感覺就係好想超越人地，咁的確有鬥心係好事黎既，但係呢佢用錯左係尋日既環境，尋日咁塞仲講咩快ar?不如一齊塞下車睇下風景好過...而且佢好多時犯同一個錯就係佢揪頭，即係快趴頭，但又係短距離cut到人地，咁人地咪成日要收制就你，咁條路係公家大家一齊用，除非係你買起左啦!亂cut既，咪出事lor!

講下另一邊，埋尾我地一齊返大窩西呢，我地係元洲仔見到聰聰，佢借人車踩mtb，即係臭軒既波友...咁我地5架車一齊返，我係水圍橋底過左之後甩鏈，唉!冇波撥係咁上下...之後佢地四架衝緊!咁我自己玩啦!點知我後追居然追到偉哥，你話死唔死?落後超過5公里，都追過佢，佢真係好羞家，之後追上阿聰，正常既!唔係經常踩車既人係咁上下...尋日爆到盡咁滯有47km/h，都已經係唔錯!

偉哥，雖然踩車廢，但係勝左佢真係肯學，肯跟，但係往往都係無奈既收場，我有時係到諗，佢會唔會覺得自己真係冇地自容，講真做咩都樣得，咁呢個人生真係好痛苦...如同叮噹入面既大雄，係一個典型既失敗者