尋晚，係我放完假之後第一個上班日，咁尋日係萬聖節...好多人都有出去玩，有d女仔又著左好靚既女巫look...

不過巡邏既時間，我係嘉盛某座感應到好多靈界既氣勢，呢個唔係吹水...因為真係見到同聽到!

咁我4點個時要巡樓，咁行到某d樓層既走廊，感覺到有「朋友」係走廊既尾，行得愈近愈大迴響，就好似我之前巡樓咁，不過幸好呢唔會搞到我好頭痛，但都有少少唔係太舒服。有時候會見到既物象係灰色煙霧效果，有時係白色人形，有時係透明既放大鏡效果...

我唔會驚呢d既，其實好多都成日見到...不過有d係比較係少見既，係欽差!欽差既顏色多數係黑色，體積都好大下，呢個係我係巡外圍見到...佢係一個花莆入面一堆好高既棕櫚樹堆行緊，行行下消失左，佢好高架!都2米幾!

其實我細佬都係同我一樣見到，不過兩兄弟見到既顏色有時有少少差別同見唔見到，始終兩個人既八字有唔同!但係見到都已經唔簡單，不過我比細佬多一個能力，我係聽到!