2號同3號呢兩晚，我都係被阿頭安排我做座頭，呢個係對我呢講災難既事，因我係座頭無得好自由咁食煙，冇得蛇王訓返一陣...簡直係災情!

咁兩晚或者都有好有唔好啦!除左我剛才講既困係座頭冇得蛇王，但都有好既一面!2號個晚簡直凍到揪根，又大風，呢d都係攞命既一種...嘉福向來都係當風地區，一吹呢我諗個輕磅少少既人或者有機會吹走...

我亦都覺得災難既係，B座既大門真係好鬼廢...回門貼磁石鎖經常貼唔到，而且成日比風吹到打開左，我成日都要走出走入咁做關門大師，頂!好鬼冇癮...

A座都唔係好玩得去邊，岩岩收工，呢座野好似雪房咁，我唔明點解呢兩座點解可以凍成咁?

咁好啦!上樓巡邏，又有新發現，當然又係靈界啦!2號個晚巡B座，係某層望返過去鄰座A座，發現到一個好似春麗頭既細路女影像係半夜既走廊，我一諗無啦啦點會有個細佬女單獨係走廊?已經覺得唔對勁...

咁3號晚岩岩係A座戰鬥完，咁我想去求證，搵返一個A座有接近髮式既妹妹仔，但望極都冇，上樓求證但又唔覺得有咩異，相反地我見到同層B座有一個細路仔既影像出現，我一諗...我諗我見返防煙門細路仔，因為個頭形態係一樣。

我屋企人好奇怪，我阿媽信中式道家或佛家既信仰既生存、輪迴轉世...但唔多信有鬼!但我同我細佬係有奇異既能力，我係聽到同埋睇到，我細佬睇到係會眼腫...

呢排，我成日都見到...慘!講真如果見到好實體形象，即差唔多成75%清楚既時候，你有可能見到死狀...其實都幾核突!