我睇到既野，照平常既人都會睇到，但某d野...真係唔係你一定會睇到!就好似「朋友」咁!我諗緊我係咪陰陽既一群人，但出奇地近排愈見愈多!我唔係刻意去望或者去聽，但我會覺得佢地存在...

對上個篇日記，我話見到春麗頭髮形態既細路女係3號半夜係A座某層走廊，但我又新發現啦!咁我4號凌晨係返A座巡邏，我諗好多人都以為我會遇到佢，錯了...我諗好多人都好失望!

咁我尋日朝早返到屋企訓啦!但有一個好恐怖既夢境，咁我講下個夢境，咁個夢境分兩PARTS，第一PART就係我同一班朋友玩集體遊戲，咁分成兩組，係玩好似無線曾志偉既節目獎門人既關大閘...咁兩組朋友舉起兩大張白加藍帆布仿傚呢個關閘既玩法...但我覺得好似無咩關係!

但係PART2就真係打真軍，夢境係講我係半夜係一個大型停車場巡邏，夢境中我真係著公司制服，咁呢個停車場係樓底好高，同個D工廠區或者以貨廠區一樣，可以比30噸拖頭入既!咁個停車場既牆身係白色既，但個停車場係冇車既，個時我巡邏正想去某個位置簽簿，我見到又係兩大張白藍帆布，咁係停車場有兩張張開既都正常既，有工程進行既咪要呢D野擋住D沙塵囉...

但係隔離出現左一個係現實見到既春麗頭、細路仔，仲要加料整個長髮女子，佢地企法係長髮，大帆布1，春麗，細路仔，大帆布2...全部橫排展開，我覺得太恐怖，即逃跑!我仲好記得個男仔個面孔係好扯火好似想殺人既樣子，春麗頭就依然見唔到面孔，長髮女子我完全諗唔通點解出現?

之後突然醒左...望下鐘12:47，真係諗唔到夢境都見到...我唔明佢地想點?講真我唔知呢個係咪需要幫助既訊息，如果需要幫助既，我都會盡量做，我想知當中既景物帆布有咩意思?

我諗可能要問下D高人既意見，我唔係迷信，而係呢樣野可能真係要處理，我唔知呢個係點解?佢地係陰間冇助?無屋住?無野食肚餓?比陰間既人蝦?有心事未了?未得到超渡?搞事?

想返屋企，但係屋企門前貼左門神，財神，揮春，門外安置了地主、天君，屋內有觀音、關帝，所以佢地有家歸不得?

如果佢地講得出，我可以同佢地諗下計既!