以前讀中學讀中五係學校六年，年年都聽到粉嶺禮賢會上一手校長就係到講話砍樹同磨斧頭既故事...

故事大既係咁: 話說以前有兩個砍樹既木匠，咁我不如同A君同B君分別啦!咁朝早同時去同一個樹林，A君就一開波係咁砍，好勤力亦都冇停，B就砍下停下飲下水又砍過。

咁好啦，到左中午既時，樹都砍左一半啦!兩個都好平均，A就繼續砍，B就反而係到磨斧頭同食午餐...

到最後樹倒左落黎就搞掂啦!A君就B講:「點解你優閒成咁，但你都係慢我少少既?」

B就答:「冇呀!咁我係中午既時間磨下把斧頭，得閒食下野飲下水咪就咁做完囉!」

呢個故事係教人善用時間，唔好一味推爆個人係咁做!

咁故事就完左，但我覺得呢個故事我較為欣賞A君，因為佢真係對自己既工作好有熱心，而且佢有爭取時間!因為佢以最快既時間去完成佢既工作，我欣賞呢d!有效率、唔會用太多額外既時間，呢種人非常合適係香港既工作環境生存。不過佢衰單純，唔識補充體力，對於一個人工作咁多個小時，應該係要小息...

相反B既工作比較慢，佢要工作食野、飲水、磨斧、休息...佢岩一半錯一半，岩既就係話佢有注意自己身體狀態，保持良好姿態去工作。錯在佢事前冇做準備功夫，佢磨斧點解唔係出發前磨好，又或者係個一日之前磨定，而且短短磨個一陣，對砍樹既進度唔會有太大既幫助。

磨刀我呢方面有認識，磨刀唔係輕輕磨下就可以，呢把刀整出黎極其量都係下廚切下菜...要把利器鋒利，係需要水、時、每次磨刀既角度、手法正確與否、時間(人手磨無3,4個鐘好難有明顯效果)、力量、刀既鋼質好與否...咁多因素，區區磨一陣有用，發夢!

如果再有人咁同我講呢個故事，我覺得呢個人係傻既，因為我分析咁多樣野，我覺得呢個故事荒謬...