唉!自我兩位新同事阿國同劍雄哥都唔撈之後，公司夜更又唔夠人，我覺得好失望，呢d就係話囉!人地有本事走既，就一定會走，因為我都覺得太多野做...係咁大壓力情況之下，我覺得係好難令新人去適應，加上人事關係既複雜問題，可以話根本係一個麻煩地...

以日更為例，基本成班都係酒囊飯袋，唔係一班做野既人...

第一，返工個個都遲既，由其是IC垣哥，經常性07:40先返到公司，呢D就好肯定唔係榜樣既領袖，而且我係夜晚19點返工打卡既時候，佢地通常成班都係圍威喂係到打牙交，有時爆機係D比較重要性少少既，佢就指出面岩岩做完一單CASE既同事去做，呢D咪衰囉!吊頸都要比人休息下架，唔好理辛苦定輕鬆，有咁多人，係保安室發一個人員出去唔會好難掛?

第二，肥生...呢個人真係激死多過食飯，因為佢係夏天跟進冷氣滴水問題都係也也烏，我地夜更上到去人地單位通常都係比人問責，點解呢?肥生呢條契弟成日做D CASE唔好，說服唔到個客，仲要整到d客發皮氣，咁死啦!你就收工，我地收口水比人鬧...

第三，小蓮!唔好睇少座頭，座頭都係有口臭既人，點解呢?呢個人見高拜見低踩，連清潔阿姐都討厭佢同知哂佢d衰野，咁呢d係咪叫cheap 呀?

第四，阿群...呢個人向來都係串嘴出名，成日朝早係開工前係到講自己d威水史，哂氣啦阿伯!你仲有幾多年比你威?又成日玩鳴哥...

第五，美寶...一個令人覺得好討厭既肥婆...佢都幾後生，同我相差唔遠，但係成日係公司搞埋d爛gag...頂!唔好搞啦!佢把笑聲真係好恐怖，即係我覺得好滋擾...

第六，冰姐...一個士頭婆之下既擦鞋人，成日報料比人地聽，士頭婆其實係一個好八既人...就借冰姐呢個人就幫佢睇住日更既人既變化...其實冰姐佢係保安室做個d位好柔...基本上差唔多唔洗做，巡樓唔洗做，只係打下外圍...

夜更...都係不相伯仲!

第一名，蓮姐...眾敵!連高層都想炒佢魷魚好耐， 不過死好命成日都唔夠人...佢以前試過跌對講機落廁所屎坑(咁緊要既都跌得，不如成個人都跌埋落去)，係保安室休息叫BS整細聲個電話(白癡既，辦工電話邊到可以失call ga?)

第二，鍾叔基本上呢個人有等於冇，只不過有好過冇，有時做錯野又唔認，係要等到人篤爆先低聲下氣...

第三，阿琼..太多嘴了，成日日夜更d野就圍講，講真有d野應該講就講，而佢份人真係好爛口，我都有時避之則吉...

第四，珍姐!成日都同蓮姐係到鬥法...大家係到鬥玩野，唉!你係座頭就話巡邏位就你，咁邊個就我?

第五，馬仔哥...份人比我覺得係狡猾...至終我覺得唔係太可信，唔係話完全唔信任既，而係總係覺得佢想搏上位，未來上左位既話，佢對同事好極有限...