我尋晚係開工既時間，用左好多唇舌係sms同佢傾，其實佢火唔係一個玩車既，其實佢唔明白佢方式同遊戲，有時一個人執著，就會比人感覺固執，但其實佢唔明白角式同崗位責任既問題...

咁固執既人我見得多，但係最固執係我老豆，臭軒呢d都係其次，咁尋晚同佢係sms傾左好耐，而係佢起初真係聽唔入耳，即係都仲有好多既理由，好多既問題鑽左牛角尖，呢d case我見得多，要調和其實有幾種方式...

第一，即場千祈唔好再同佢講野，由得佢發脾氣，發...至少都要有30分鐘，視乎佢發火到咩程度。

第二，由得佢係到大吵大罵既，比好多時間佢講佢自己既不滿，咁你從中你要開始記帳，自己盡量記對方係邊一個方面佢最唔滿意。仲有既係，對方吵鬧既情況，盡量唔好加嘴，又或者問一答一既方式去應付，因為一時之間你好難回應哂所有既問題，而且你回應幾個問題，邊到答得哂?

第三，要攞一d機會去解釋返自己既想法同對比起事發情況，糾正返對方鑽牛角尖，又或者對一d事實既誤會，咁先將呢d「霧」化左佢。(有幾多解幾多啦!)

第四，老土說話，要對方知道人有佢自己既思想，人會為自己既權力謀取，正所謂「不為己天諸地滅」，人生活要食野玩既，都係為左自己既需要。亦要對方明白每個人既感覺有差異，呢個亦係世界中最奇異既事，或者係造物者為人類提供既挑戰。(呢個時候都仲會大條道理)

第五，反說返對方衝動既行為，令佢自己知道自己既錯，又或者借佢既家人若是知道自己衝動既行為，令佢明白衝動既後果同內疚，咁佢知道衰左係邊到，咁佢係呢個時候自自然就開始聽你講野，順手以嚴厲既態度回應，令佢印象深刻。

第六，講一d關心既說話，衝動、火爆類其實佢內心最缺乏既係人地對佢既注意同關心，咁安慰既說話其實唔係難講，只係睇你用幾多時間去講啦!當然做多唔會蝕底既，反而令對方既內心會得到迅速既緩和。

第七，可以講返一d積極樂觀既話題，令佢引返開注意力，例如對方既興趣...好似臭軒鍾意排球，咪講排球囉...

第七，自己要打完場，因為我唔係好建議講太長，因為都要比對方有d反思時間，咁可以用「時間都唔早啦!」、「我而家都返緊工，都有d手頭野做緊」...

其實唔係難事，只係要對方有一刻提起注意力，但係呢個世界有好多人更固執同衝動，即係一就一，仲要我行我素，個d其實最難溝通，我知道我老豆就係呢一類，其實阿寶都係有呢個問題，只係我一直都冇講，講真其實係難調解，即係對方唔會比機會「伸冤」，咁咪即係有口難言囉!

人係需要溝通，而且係要雙向，咁更要了解每個人既思維唔同，更唔好一棍打沉船，比d路人地走，就算對方瘀皮左，你內心點樣想笑都好，忍受一陣，過後你點樣笑都係後話。但係最重要既係令人服氣，唔係屈服，到最後人地雖然冇即時讚賞你，但係你其實救回一個從軟弱中沉緊既人。

凡事太盡，緣份誓必早盡，原則都唔可以當飯食，但冇原則，同隻羊就冇分別啦!