大家係小朋友既時候，可能係行街時候，都會出動一句:「媽媽，我要抱抱!」按照兩個情況，一係真係行左好遠水路了，個媽見到個仔已經盡左力，抱下佢行囉!第二，個仔係撒嬌，唔肯行，媽唔肯抱佢，個仔就喊，甚至扭計打死都要抱...

呢樣野我就係好想講關於一個社會一個人性既問題，咁每個人係同一個社區生活、工作、娛樂...簡單d同粗糙d咁講「食、屙、訓、屌」

不過人長大左，唔再需要「媽媽抱抱」...可能係生活上遇到困難阻礙，咁咪有唔開心既情況!但社會真係好現實，你跌係條街到喊啦，你細個阿媽仲可能氹返你，問你有冇事，痛唔痛之類...到你大D，我膽敢問一句，你仆係條街到，情況係小小擦傷，你老娘仲會唔會拖返你起身?

你老娘或者可能仲會，我老娘多數都唔會，呢個我都好感謝我阿媽無做呢個動作...跌左就要自己企返起身!邊個會幫你?你扭計囉!你咪比人睇死你，無鬼用!....的確呢D說話係從我媽講出，到今日都記憶好深!我細佬細個曾經係街市扭抱抱，結果細佬出「絕招」訓地，街市好濕，成個人都係污濁的水，我阿媽大發雷霆之下梗係打到細佬跳舞啦!

社會唔會因為你跌倒而同你停下來氹你、比糖你食、同你貼下藥水膠布...你要嗦!喊囉....喊到長城倒塌都唔會有人幫你...你唔得、做得唔好、跟唔上軌道，人地得閒等你幫你?哂氣啦，人地返屋企UN腳唔好?

世界既冷漠令好多少年人覺得呢個社會無照顧佢地既感受，呢個亦出現係年青人既反叛期，我也曾有呢個想法，但返過來睇，我諗到幾點:

「人地點解要幫你?」(無原無故，人地點會幫你?)

「你有困難人地無?」(家家都有難唸的經)

「點解你要依賴人而自己唔面對?」(懶、唔用腦、唔明白，有人幫你做，自己就想舒服!)

「對方可以幫到你幾多?」(萬一你遇正件大泡和你就仆硬)

「你想逃避及懶惰想搵同你執手尾?」(要自己面對同負擔後果，唔好期望人地同你揹鑊)

「要人照顧你人地打緊你工?你出糧比人?」(就算唔係比錢報答人，至少都要請人家食飯)

「對方係你邊個?」(識你老鼠做咩要幫?)

「人地單挑完成你要人幫係咪自己既問題?」(唔夠獨立、果斷，咪搞到一鑊粥囉)

「家陣你老馮架?下下都有人同你萬歲?」(你係皇上既我局住都要頂，你唔係既收嗲都得啦!)

「神仙打救你?」(有信仰人士會希望祈禱希1有上帝或神明幫助，但不如現實D睇，佢地最後都要自己繼續努力踢埋下半場，神唔會擲一嚿飯擲中你個口比你食)

我諗完之後，我無再想希望以依賴同期望人地既照顧，我只係想自食其力!人互助雖然係人類群體既活動，但唔係成日都有，因為我只係知人係可以獨立生活，試想下當你流落荒島，未有人知道你既境況，叫天不應叫地不聞，你可以喊既....喊完之後你咪又係要面對現實?

做，要自己做，做得適當，盡量做好，要獨立，唔好期望神仙打救...幫人，係出於人道同愛，要自己願意，係自律唔係他律...他律個D唔叫幫人，個D叫做「被迫」，比人迫既自己幫得唔開心，做又做得唔好，幫黎把鬼咩?返而你弄巧成拙

我同我細佬到今日都係刻苦面對生活，屋企關係破裂接近無人理(心靈創其實很大)、工作(自己學到幾多做幾多)或學業自己一腳踢(邊有人教到我地功課)、想玩單車自己諗掂條數(以前無錢無得玩，我從來無問過人借錢)、無錢自己變賣一D自己既家財睇下有冇錢入袋(變通)、見到細佬唔夠錢整車提供一D支援(比D舊件，或想方法買件返黎)