一直以黎，我同我細佬都係容易見到靈界中的「朋友」，以前細個唔肯定，但而家大個左係好肯定!

我唔知見到係好事定係壞事，但我想知道一個問題，點解一見到兩兄弟都會見到?係唔係自己本身出世已有既「超能力」?定係個人本質好易招惹到「朋友」?兩兄弟都有陰陽眼?還是符碌睇到?

如果有個人比到一個答案，我想知呢個係宿命，還是有改善或改變既方法...

更想知的事，點解春麗頭小妹妹同目露兇光的男仔，會進入左自己既夢境?長髮的女子又為何在同一個夢境?佢地想點?係需要協助還是其他問題，例如係咪得罪了呢三位「朋友」呢?係咪要做返少少野解決個問題?還是找我來開玩笑?

曾經我想過到一些泰國僧侶開的店或者是一些有關風水命理既師傅查詢，但我怕遇到的不但解決唔到自己既問題，而且係一間謀人寺，咁就真係慘了，小弟不是大富之人，身冇幾兩...

如果有人願意出手相助，我很感激呢!甚至願意教授學法，我都好樂意，因為我只是想幫助或解決人同「朋友」之間既問題...