點解有時候有d野唔講係好難?因為對方唔明白，因為對方無理解過對方既感受，人地起初唔明算啦，但慢慢可以用d語氣表達。那時人應該開始要識做，不過再唔明既就真係令人開始火了...
老實說，我真係要罵人...細B，每日都係準時到不得了，係每日六點幾時候就打比我，大佬...你得閒唔等於我都得閒，我最忙既時間就係呢個時段，因為我開始要執野換衫返工，我都知佢冇人陪佢玩，但都唔洗係咁打比我...
仲有既係，佢打黎係咁問車件，其實好老實說我而家解比埋出黎。順手解比用JAVA既人知...
JAVA CL，頭重尾輕，想改善既只係一個好簡單既方式，如下:(只限改成速度型)
拆件: 基本上拆剩個架都差唔多，全車零件我認為沒有保留作用，SHIMANO SIS套裝既動力組件全部都係廢，易壞、運作唔暢順，好老實說JAVA找到SHIMANO既合作顆伴係好下級，其餘個D碟剎、座位，我覺得係不堪入目，JAVA除左佢做個架係有作為之外，其餘個D真係唔洗諗。總之拆出黎...
車頭: 最理想係一字BAR加牛角，RB頭、TT頭、弓型BAR都唔係最理想...加牛角點解又唔加山羊(或叫牛角頭，即DAHON PRO TT)，改野唔係咁易，正式黎計係要用TT BRAKE手制加「的搭」波手，但係香港人既懶人性格就夾硬加槍手，極其肉酸而且唔多岩手位，唔岩就係唔岩，唔好夾硬用，咁樣係易拉傷手掌。RB頭係要個人DUP低身踩，但係呢太低係會揸到上手同橫手，下手就揸唔到，改返高少少，又係死火，RB頭係高既情況唔好揸既。TT頭，其成本好貴啦...呢個見人見智，但係JAVA佢係「命苦車」，因為佢個架長度好短，咁TT係要趴係到踩，其實對比係比較高既人(大約係175CM打後既)，點趴?一趴我好肯定手爭撞膝頭。
制動: 碟剎得WIRE碟，方法可以有幾種改...升級做油碟(好: 反應比WIRE碟快，亦唔會咬死碟，壞: 成日要換剎車油、成本高)、V BRAKE(好: 輕，壞: 冬天表現會出現較慢反應，剎膠高熱出現溶膠無剎)但V BRAKE安裝時必須要買到V BRAKE柱、C BRAKE(好: 451鈴直接插入就可以，406鈴加返轉接器，壞:406加轉接如果轉接老化會爛，451鈴冇咩胎選擇)
座位: 不堪入目，坐得極之唔爽。換seat位，SRP太金屬座管$320、ITILIA幾百至幾千都有、SAM MARCO及SAN MARINE(同廠)唔同質料$200有找。以上提供係較為經濟既，再貴既自己慢慢搵。
SEAT通:TRUVATIE鋁通$98，FSA CARBON(價錢視乎級數而定)，EASTON(好貴)，GIOS原廠通合JAVA CL用。由於JAVA CL車身偏低，SEAT通建議唔好SET太高，避免SEAT通搖頭，令其爆裂及人身安全構成危險。
胎: 406大小的有CST TRANSFORMER(1.35")、SUWABLE黑芒及黃芒(1.1")、PANARACER(1.25")、CONDITDIANTAL(1 1/8")，其餘我唔識，個D比較什麥。
胎鈴: 老實說，406及451胎鈴，D人成日講邊條滑溜點、邊條硬正札實、邊條刀位大、邊條有得行扁線...我覺得係廢話!講真條條鈴都係差唔得幾多，條條重量都好接近，分別在於佢既顏色、用料、手工、你本人使用既感覺、HUB既慣性記憶能力...
打個比喻，XERO ELEMENT 對 CYCLE SEVEN(第二代白色)，兩條我都感受過，無可否認，XERO ELEMENT既外型真係好靚，少線、雙線排式、個HUB好特別、靜音HUB...CYCLE SEVEN，單線排式、交叉織法、紅色HUB、響HUB...但係兩條鈴既記慣性能力唔同，XERO就唔多記，CYCLE就牢牢記實，其實睇下你適唔適應到...至於你問我用唔用HED小輪徑大刀鈴，我反對...因為好易爆!
刀鈴同碟鈴(唔係裝剎車碟個D鈴，指無即線既鈴)大家應該好少接觸，其實佢入面既物料係CARBON FIBER係面頭連胎框，入面係空心再塞左D玻璃纖維(玻璃纖維用於小型既船隻，例如獨木舟、舢舨、賽划艇)，又或者係高壓打成既發泡膠(即頭盔個D物料，唔係硬膠盔)，咁你外層見到既仲有一個HUB、線、法嘴喉通道、線頭個D眼位，就係咁多...CARBON FIBER同玻璃纖維同高壓發泡膠，都係同樣易因強大既壓力或過大既外來既衝擊，最終下場係會爆既。
鵝頸: 睇身高同手長...冇話邊隻特別好!自己識用先得，CARBON鵝頸唔識用咪搖車搖到裂左甚至爆同斷開囉!識用既比個好雞既都搖得好。
餅、飛輪: 要自己睇下荷包有幾多銀兩，因為呢D野係核心既地方，中空定實心定陶瓷定係波子芯，餅要CARBON定係普通金屬就算，OVAL餅定係圓餅齒，飛輪睇下你係上山多定公路定落山多。
轉波系統: 以JAVA CL我既做法係一枝BAR，咁就當然係使用的搭波手推波撥波腳，不過睇下你用咩牌子，當然你唔好再使用舊既JAVA轉波件，SHIMANO SIS件慢得黎又重，咁你按自己荷包去改用咩件，咁SHIMANO既容易掌握既當然係DEORE XT啦!但係你想跑得起既，105夠經濟啦...你夠POP既DURA ACE都得，不過DURA ACE di-2行唔通，shimano di-2無支援電子轉波用係的搭波。sram既可以x-4至到x-0都得...
相反地，可能有人問，扭波唔好咩?扭波雖然一扭就得，但係呢以我用既習慣係好多時扭左錯既波，你又要慢慢tune返岩個波，呢下野真係令人火滾。
頭柱: 太高了，切低及減介子。
整體我對java cl既印象:
1. 一部適合身子細小或女性使用既單車，外型精簡，容易操作。
2. 原廠shimano零件令人失望，一架車以香港既單車店賣要成$2700，其實成套SIS轉波係平到不得了，佢既賣點只係突破性小輪徑用碟剎。
3. 車架偏矮，改seat通唔可以用硬度低既物料。
4. 改變、改件需要一定既準確，因為車體比重唔太好。
5. 身架收集既力量好快流失，即係踩出黎既感覺好輕，比dahon更輕。即係輸入十成力，出返黎既感覺「揸流攤」。
6. 發生意外率高，車架比重錯誤既關係，我已經有兩位朋友炒車炒到好嚴重。
7. 設計好寒酸，我唔明點解有V BRAKE孔但係冇V BRAKE叉柱，坊間又無咩配件可供選擇，令人失望。
8. 燒焊手工差，我見到好多焊珠浮左出黎。
總結，我對JAVA CL既價格不滿，而且對JAVA既手工都唔會付上太大祈望，改成有速度感既賽車係有一定既難度，同時比重問題令人改錯車既問題多多，同時希望用JAVA CL既車主唔好炒車，同時呢唔好太其望JAVA CL是自己長期可以跑既車，終有一日我諗你會對JAVA出現討厭。若改車為左代步返工返學，呢個係唔錯既選擇，又或者你只喜歡遊車河，或你不喜歡速度，JAVA可以幫到你。
安全性低，對其車主人身安全易構成危險，建議有返個頭盔及手套會更好。
最後，JAVA CL的平價令富貴街車人士都買返架，無形中出現好多瘋狂車主，別以為踩JAVA會專業一點，或佢會注意安全，答案絕對是錯!比玩街車既人士更離譜。
|
