尋晚，細B同我呻就係話一位車界人士羊仔對佢及其朋友有唔友善既問題，咁唔友善係包括出言嚇阻對方...我覺得現時車界其實都有好多負面既情況，例如係吐露港街車仔打公路車車主、搶或偷單車、在一些大型論壇甚至專門既單車論壇出言傷害人、點相爆人地既事等...有時候我覺得應該講既就講，應該交往既可以保持聯絡，是非之地盡量就唔好去，總之近誅者赤，近墨者黑。

好老實咁講，細B其實個朵係上水粉嶺係搞到衰左，唔係佢既駕駛態度，而係佢同車友既交往，例如係話太過直接去講人地既車有咩唔好，應該係人地向你請教時，你再私下同佢傾，唔好爆響口大大聲就彈人地，若果人地同你零交往，咁你咪唔好多講囉...有時人人既感覺係唔同，因為你踩既，同人地踩既感覺係唔一樣。

另外，見到靚車，唔好大大聲話;「靚車wo!」咁亦都係令到人地好難憾，其一既係你令到對方唔知點回應你，第二係令對方覺得你好似冷嘲熱諷，譏笑人地...咁樣係極之無禮貌既行為。或者細B太細，唔識得控制場合所講既說話，而佢自己又唔知自己做錯左D乜...不過我都有同佢講，但係佢射波比左佢個頑劣既同學家俊。

有時候，做錯就要認，打就要企定，唔好係我面仲係到兜，扭扭拎拎...想點先?有人同情你，唔會架...好老實點解youtube總有人比人post上網影哂佢既衰相?呢個世界就係咁殘酷，車界算好只係係個論壇對你既行為指指點點，好少會篤爆你既樣子同埋踩咩車...不過都仲有「高」字頭果個既，係果到你真係唔洗翻身。

尋晚，細B既事搞到B叔好擔心，唉!我都覺得細B其實內心都真係要反省，出面車鋪D人係識你(基本上我有去既都識佢)，但係內心好多都係唔太喜歡你，原因係過往得罪人多，稱呼人少，日積月累，人傳人既消息好快傳開哂，同你玩既咪來來去去都係果班囉!但出面有多人對你不滿甚至你D仇家想搵你「找數」，咁唔通日日縮係個被兜打冷陣怕比人打咩?

其實B叔都係唔太岩，有時呢D事唔好以針對性去處理，又話點樣對個仔不利點椒對付佢，傻啦!咁搞法係害左個仔，例如就算你打到對方訓醫院既，咁你比人拉左，個仔邊個同佢踩單車放下狗?第二，教壞小朋友，好多野唔係暴力處理，何況一個學武之人，咁樣使用武力，我自己曾經學武，都明白武術係助人、健身體、學道理既學術...但B叔如果咁樣去炳一個青年，係唔係不智之舉呢?如果真係開拖我真係睇唔起佢，唔好話我冇義氣。第三，有時小朋友既解決方式唔係大人咁諗，好簡單今時今日玩街車既細一輩，我都唔明佢地點改車，長輩都唔好亂插手，其實令個小朋友都好難憾，有時咁樣會令個小朋友既人際關係變得好差，因為下下個家人都介入，咁咪無Friend做囉!

總之我希望呢件事之後，我想細B兩父子都係用合適既態度對人，唔好再用暴力解決，講真呢個事件洗唔洗咁震驚，我認為只係一D人際關係搞到混亂同誤會，用暴力既係對令社會中真正既人渣，好簡單我老豆係一個好例子(要做佢既快手，我即刻比感謝狀同獎金)。

同時呢細B真係要搞返好D人際關係，再係咁落去，佢好快上論壇比人爆插，我都唔想睇到呢個同自己相識既人咁樣比人SM...

唉!講既係咁多，希望佢地好自為知啦!唔好理邊個岩定錯，我覺得有得賺有得食，算啦!