向來平安夜，都係好多人會認為良辰美境，乃是「搞野之時」...但係我唔係好認同呢個講法啦!講真感情既事，唔係寄託係性愛既事，亦都係啦...希望班兄弟姊妹唔好搞出人命就得啦!

平安夜我係公司渡過，我呢行邊到話放假就放假ga?做又36唔做又係36，放假係輪休，一係你就請假自己尋歡，一係你就自己乖乖地留係公司做野唔好搞事!

咁係公司，其實都係如常工作，如常都係見到一班客係到來來往往，唉!見到人地好SWEET咁情侶檔送人返屋企，自己就係個座頭食香蕉，呢D真係濕滯...講開又講，其實我都未試過同女友一起過聖誕，都唔係未既，其中一個係嘉怡!但係同佢行緊個時佢又係聖誕病左呢?咁咪又係有等於冇...

自問今年真係感情路上係「拋錨」形容，得阿寶!但係成日好快散，我覺得真係好難搞，我唔明白女仔點解可以小姐脾氣成咁...起初真係冇乜，但識耐左就覺得難搞，一樣米養百樣人，點解D老友行左幾年都仲係企穩陣腳，我個D就有頭冇尾，唔通即係正如D老前輩咁講:「玩過咪算囉...」

D老前輩佢地即係蒲開，佢地會覺得人到幾廿歲，都未有著落，索性唔搵個伴行到老，寧願周圍去游山玩水，得閒有心機就整個似樣既同自己玩下，唔玩就係咁先...我當然唔想行到呢個地步，自問屋企家不成家，其實真係好想有一個家既感覺，由細到大，我都感覺唔到有家既存在，即係我會覺得自己係呢到係「掛單」，終有一日會走...完全唔覺得家比到自己係溫暖!

曾經睇過好幾樣既占卜既野，算出自己係孤獨既命運，我唔知呢個係真定假，但係無可否認每樣占卜既答案差唔多相似，可能呢個真係我既結局，算...我已經唔期望有D咩改變，因為我覺得自己所做既努力係好難有人理解同明白，亦都係我所做既一切都已經冇咩要求，硬係結果好似白廢心機...

感情事，老前輩用一個心態「蜻蜓點水」，渴就飲，飲完就應該飛，飲過就夠了。我唔想係咁，我唔想再係短線飛行，但我可以點?