近日，好多新聞報章都講某屯門街車組織係到搞破壞、挑戰香港警察的執法能力、擾亂交通道路運作...其實對我黎講，香港街車界做呢d咁既事，已經唔係第一次。

講一下個人親物經驗，以前我玩ZETA雙通淑女，其實都係一個喜歡左穿右插既人，到今日我都覺得自己離譜既就係，我曾經試過相反方向行車於馬路上，差d同的士迎頭相撞，個次真係玩得過了火。其後，亦試過係吐露港揸淑女係直隧道入面同一個租單車既小妹妹發生相撞，咁我就無理會照直行，我覺得自己係有責任回顧返受傷既小妹，但係我冇做到，加上當時隧道內太多人車，基本上出左隧道都冇咩可能U-TURN，幸好個小妹無大礙。

咁自己後黎對街車既感覺不好了，個人方面就係街車既改裝能力有限，無法子同公路車及小輪徑的朋友一齊玩，我點踩都追唔上，肯定比佢地放飛機，因為街車比盡平路都係30多KM/H，而公路車及小輪徑可以高達50多KM/H。車重加止車種飛唔到，唔玩...

第二係，我經常性聽到街車發生不同型式既糾紛，即係話邊個撞爛邊個架車走數唔賠錢、邊個偷左邊個部車、邊個改靚件唔識人...頂!咁玩落去仲有咩意思?

以前街車界都係幾和平，例如最耐歷史既車隊紅白藍、躍馬...即係佢地玩車都會係和平玩，而且有深度去改車，同埋尊重對方...但今日，改車就成日係車店搞事、炸喇叭、玩風鞍嚇人、玩大光燈射人眼、偷車、拆車、撞人車、組織車隊恐嚇或挑釁對方...我覺得好不知所謂，亦都係我想立即離開街車既原因。

況且街車經常令市民帶有色眼鏡看待同標籤，即係比人一種讀書不成、壞份子、黑社會、破壞社會安寧...

屯門呢班街車，我覺得係反影緊好多香港踩街車人既內心世界，即係以團結去保障自己既弱小、借架車型仔去提高自己既所謂既地位同聲勢、以惡作為娛樂自己，呢d行為我覺得係白癡先會搞出黎，好簡單係弱小因為你唔夠獨立，借架車型想引起人地對你關注，蝦人個d仲衰，即佢到時比人打到豬頭咁呢，佢先至知道自己當初蝦人係幾咁傻仔。

我唔係祈視街車，而係我覺得今日玩車既人既態度係變質同變態，我睇唔過眼...