平日星期三我都會自己出一轉車，不過今日落雨，我望下樓下d街，都幾濕...咁我點樣落街玩?

算，今日收車唔玩，係屋企煲下戲，有時樂得清閒，都係一件好事黎既，講真返工返到我自己既生活時間基本上係唔夠用，難得咁今日早左起身，我都覺得既然有時間既，我就唔想再訓落去。

講真近排我真係好謝，即係個人係提唔起勁，我覺得係一件痛苦既事，因為個人係工作上真係好易出錯，有幸個d係小錯，而自己可處理到。呢樣野真係要「多謝」青蛙，因為當日2009年12月30日佢係msn同我傾計仲要翻我舊帳，話我以前點樣對佢唔好，又煲返星佢一巴既事，我覺得係好難受，即係都過左咁耐，點解仲要同我講返呢d野出黎呢?

有時，我自問自己當初係點?我答你: 我真係錯左，而且我到今日都好難過，好多人叫我放底呢件事啦!但係我放唔底，呢個係我人生之中做得最錯既一回事，我可以點?道歉道了，反省過了，但我既人生愛情觀都係一樣，我都係有我既立場，即係我唔係個d老婆奴或者係一個對住一個小公主既太監仔...

咁落雨我諗起好多野，例如陳年舊樂隊BLUE JEANS既下雨天(你唔好多同講古巨基個隻)，諗起以前做送外賣做得好辛苦既情境，同以前女朋友阿瑩係屯門碼頭玩...往事只能回味。

今日冇踩車睇左套「生死狙擊」，我覺得當中講既槍概念係真實，但係佢個D爆炸特效做得唔係咁真實，有少少失望，不過個情節都做得幾好既，我都睇得幾開心。

諗起槍，WARGAME個邊D朋友係知道我實力係有幾多，但係好老實講，我無興趣參與WARGAME活動，因為我覺得WARGAME個D人好多都成人懶死唔走，搞到好多唔和氣既事件發生，對我黎講哂氣，講真我覺得真係好煩，同街車一樣無譜，所以約我打GAME，唔好搞我...