Jack，我的朋友當中有兩個，一個係武術朋友，另一個係中學老友，今次係後者!咁平時佢都好少搵我，但係呢佢今次搵我，唔係去打wargame，唔係成班fd出黎食飯，而係佢介紹佢公司比我認識，亦希望我加入佢地公司既一份子。
咁jack佢公司名我唔講啦，因為我一講有可能好多人都知，大概地址係朗豪附近，砵蘭街一帶一棟商廈內既。咁呢間公司其實佢既架構就係推銷一d教育課程同埋美容既服務，例如出國升學、大大小小個d文憑課程、護膚、健身、spa、打快瘦針之類既野。
一諗起推銷，我覺得係一種幾令人煩惱既行業，因為周街都係，而且佢既種類太多，電話企街擺壇、上網又擺、健心中心、中港台澳漫遊、信用卡、財務公司易借易還....根本個個都係咁樣做!其實我覺得係好無新意。
咁好啦，jack約左我出去會合，我上到佢公司，賴野...同個d銀行公司meeting room個d台仔橩仔，死火...即係係咁有條友仔問下你既需要d乜，理想係點，對自己有咩憧憬期望，同你計下數，分析d數據，你得到既賺到既利潤同收入係幾多...屌!衰仔jack，唔係咁搞呢d野嘛?
係...之前你話間野點樣好做好利潤，推銷行業係唔會做長，因為你要迎合市場既need，我以前ive讀marketing雖然都係求尻其上堂發夢個咋，但我絕對係知道內部既痛苦制度同埋無奈既事，例如:
1.「有升冇降」既職級mode，有升固然係好事，冇降dun古都係唔好玩，冇單既到咁上下人地自己叫你返鄉下耕田。
2.「自給自足」既底加佣薪金制，你搵到單唔計內部黑暗作風食單個d，咁你無單個時，點搞呢?
3. 按你既接單比例，評定你得到既職級。呢d只係虛偽既公司作風，即係求其比個朵、你第幾輩...老闆求其比多少少錢，安個名比你就氹到你好high，我唔稀罕。仲有既係你接到單咁升級，其實唔代表你既工作表現係同職務既rank掛勾，好簡單...做到好多單，點知爛尾既要人「執屍」，咁點計呢?比佢升...似乎咁樣好欠缺透明度wo!
4. 對客死纏爛打，出盡你既口水。好彩既你係shop，唔好彩既就係「壇」，你見到個d上網公司d哥仔姐仔係咁對你噴口水，其實一日都未必有一張單，只係個「壇」攞黎做勢，同埋比個機會呢個人渡過佢既光陰，到最後你無單又係叫你耕田。
5. 對客講個人經驗，分享自己喜樂。講真小朋友都有講故事比賽，成年人係工作上就係叫吹水、搏同情(加返兩粒白花油仲好)、講自己點樣成功搵金，同我講哂氣啦...第一，你咁講我同你第一次見，我邊到知你咁多野，你點講再加埋少少感情落去，我覺得唔可靠，就算你有埋文件比我睇，咁都有用處同局限。用處係你真係比我睇到你個人既業績幾理想，局限係係咪咁多你既同事都係可以同你一樣搵到咁理想既業績，定係迴盪緊係耕田邊緣?
6. Jack個superviser姐姐問我有無打算進修，啦!唔好理我係咪有興趣讀書(老實講無乜，除非有一科令我真係好有心讀，但我諗呢一科香港未必有，機場運作架構管理，另外係想考槍牌係機場跑道做打雀，甚至係做航道指揮人員波板手)，你咁講就話公司比你讀個d係free course，聽落就係話幾好wo，公司貼你讀書，但係free course之餘，有冇d職位要求係要特定既course要比錢呢?呢個姐姐冇提供過呢類資料，jack亦話冇...jack入職都係幾個月，有呢個情況都未必知唔出奇。
7. 推銷公司易有走數倒閉情況，早前我睇報紙得知，有間推銷公司同阿jack呢間運作好似，但係做做下無啦啦走數摺左，呢d公司攞左筆數放你班卒仔飛機又有幾閒?第二改個另一個名又行返，咪又係咁...
8. 數據唔代表一切，太信marketing既後果，會惹來倒閉既導火線。首先既係marketing做既reseacrh唔一定得到大部分人既意見同想法，如果睇得太重，基本上你可以收得工，因為運作係近迎消費者，而唔係數據行頭。但係好遺憾既係好多消費者係比推銷人員係咁用數據講到中毒，太傻了。
最後，我都係以「我需要時間去考慮一下」結束，同個superviser姐仔交換左個電話，佢話有咩野再聯絡，又話夜晚時間再嘗試聯絡之類，結果我放長雙眼睇之下，其實都係得個up字，哂氣!即比唔到我有感覺到誠意行頭既意義，呢間公司...sorry!我好難會加入同阿jack呢位朋友合作。
呢間公司追唔上我曾經參加member既健身中心加州健身(California fitness)，佢真係有明顯既耐心同你傾計，樂意去協助你係使用服務上既需要，d教練試過比我屌，我直頭叫佢:「你收工啦」，佢真係識做氹返人， 教你玩一d新機，比你玩一d係trail既games!呢d叫做服務，呢d叫有內涵同深度!我做保安同樣都要呢d野，只係形式上唔同，但jack呢間野，我覺得係唔夠透明度，即係好想unvisable一d真相咁!你想人地信你同join你，應該比人睇多少少
例如話你搞課程，咁課程都有好多類，主要做副學士課程?暑期英語?遊學團?補習?興趣班?文憑?職業先修?在職進修?咁你介紹比我認識閣下既公司係行咩線為主打，咁如果我係呢一範既強項，加上你既誠意，我覺得呢個係有得諗，完全唔講?咁我都唔知你既運作，教育既層面太多太大，唔講...我點知你既方向，咁我都想知公司既遠見程度去到邊...
我對呢間推銷公司幾失望!
|
